ఎన్టీఆర్ కొమురం భీం పాత్ర చేస్తున్న ఈ సినిమాలో రామ్ చరణ్ అల్లూరిగా నటిస్తుండగా ఇద్దరు హీరోల ఫస్ట్ లుక్ టీజర్స్ ఇటీవల యూట్యూబ్ లో రిలీజ్ అయి భారీ క్రేజ్ దక్కించుకున్నాయి. అలియా భట్, ఒలీవియా మోరిస్ హీరోయిన్స్ గా యాక్ట్ చేస్తున్న ఈ సినిమాలో టాలీవుడ్ తో పాటు బాలీవుడ్, కోలీవుడ్, హాలీవుడ్ చిత్ర పరిశ్రమలకు చెందిన పలువురు నటులు ముఖ్య పాత్రలు చేస్తున్నారు. భారీ యాక్షన్ తో కూడిన కమర్షియల్ ఎంటర్టైనర్ గా పేట్రియాటిక్ జానర్ లో రాజమౌళి ఈ సినిమాని తెరకెక్కిస్తున్నారు. ఇక అసలు విషయం ఏమిటంటే, ఈ సినిమాలో రామ్ చరణ్ పాత్ర నిడివి ఎక్కువ అని, లేదు లేదు ఎన్టీఆర్ పాత్ర నిడివి ఎక్కువ అని కొందరు తమకు తోచిన విధంగా పలు మీడియా మాధ్యమాల్లో వార్తలు ప్రచారం చేస్తున్నారు. దానితో ఎన్టీఆర్, చరణ్ ఫ్యాన్స్ ఇద్దరూ మూవీలో మా హీరో రోల్ పెద్దది అంటే మా హీరో రోల్ పెద్దది అంటూ కొద్దిరోజులుగా సోషల్ మీడియాలో కోల్డ్ వార్ కొనసాగిస్తున్నారు.
అయితే లేటెస్ట్ టాలీవుడ్ వర్గాల నుండి అందుతున్న న్యూస్ ప్రకారం ఆర్ఆర్ఆర్ మూవీలో హీరోలిద్దరి పాత్రలు ఎంతో అద్భుతంగా ఉంటాయని, ఆ విధంగా ఇద్దరికీ సమానంగా మంచి స్క్రీన్ ప్రెజెన్స్ ఉండేలా దర్శకుడు రాజమౌళి ఇద్దరి పాత్రలు రాసుకున్నారని అంటున్నారు. ముఖ్యంగా స్క్రీన్ పై ఇద్దరు హీరోలు కనపడే సీన్స్ ఫ్యాన్స్ కి ఐ ఫీస్ట్ గా నిలవడం ఖాయం అట. అలానే ఈ మూవీలో భారీ విజువల్స్, యాక్షన్ సన్నివేశాలు కూడా హైలైట్ అట. మొత్తంగా దీనిని బట్టి చూస్తుంటే రేపు ఆర్ఆర్ఆర్ విడుదల తరువాత అటు చరణ్, ఇటు ఎన్టీఆర్ స్క్రీన్ పై అదరగొట్టడం ఖాయంగా కనపడుతోంది .... !!
