ఇక బాలీవుడ్ లో కేవలం హీరోలు మాత్రమే కాదు హీరోయిన్లు సైతం ఇలా స్టార్ కిడ్ గా చిత్ర పరిశ్రమకు పరిచయం అవుతున్నారు అన్న విషయం తెలిసిందే. ఇప్పటికే జాన్వీ కపూర్, సారా అలీ ఖాన్ వారసత్వాన్ని అనుసరించే ఇండస్ట్రీకి పరిచయమయ్యారు. అయితే బాలీవుడ్ మిస్టర్ పర్ ఫెక్ట్ అమీర్ ఖాన్ కూతురు ఐరా ఖాన్ కూడా మరికొన్ని రోజుల్లో హీరోయిన్ గా ఎంట్రీ ఇవ్వబోతోంది అంటూ టాక్ మొదలైంది. దీంతో అభిమానులు కూడా ఐరా ఖాన్ ఎంట్రీ ఎప్పుడు ఉంటుందా అని ఆసక్తిగా ఎదురు చూశారు.
కానీ తాను మాత్రం ఇండస్ట్రీకి ఎంట్రీ ఇవ్వడానికి పూర్తిగా వ్యతిరేకం అంటుంది ఐరా ఖాన్. దీంతో అభిమానులు షాక్ అవుతున్నారు. తండ్రి వారసత్వాన్ని అనుసరించి ఇండస్ట్రీకి ఎంట్రీ ఇవ్వటంపై ఐరా ఖాన్ స్పందించింది. ఇంస్టాగ్రామ్ లో తనదైన శైలిలో ఫాలోయింగ్ సంపాదించుకుంది. ఇటీవల నెటిజన్లు అడిగిన పలు ప్రశ్నలకు సమాధానం చెబుతూ వచ్చింది. ఇందులో భాగంగా బాలీవుడ్ లో నటిగా మారాలని అన్న ఆలోచన ఉందా అంటూ అడుగగా నేను సినిమాల్లోకి రావడం లేదు అంటూ సమాధానం చెప్పిందట. అయితే గతంలో మీడియా అనే నాటకానికి దర్శకత్వం వహించింది ఈ అమ్మడు. దీంతో నటిగా కాకుండా దర్శకురాలిగా ఎంట్రీ ఇచ్చే అవకాశం ఉంది అని అభిమానులు అనుకుంటున్నారు.
