కాగా నరసింహనాయుడు తర్వాత బాలయ్య బి.గోపాల్ కాంబో మూవీ కావడంతో ఈ సినిమా బాక్సాఫీస్ వద్ద రికార్డులు క్రియేట్ చేస్తుందని ఫ్యాన్స్ ఊహించగా ఫ్యాన్స్ అంచనాలు నిజమయ్యాయి.ఇకపోతే ఈ సినిమాకు పోటీగా మృగరాజు, దేవీపుత్రుడు సినిమాలు విడుదలైనా పైచేయి సాధించిన సినిమా మాత్రం బాలయ్య సినిమానే కావడం గమనార్హం.ఇక ఈ సినిమా ఒక అరుదైన రికార్డును సైతం సొంతం చేసుకుంది. అంతేకాదు ఏలూరులోని అంబికా కాంప్లెక్స్ లోని రెండు థియేటర్లలో ఈ సినిమా వారం రోజుల్లో 101 షోలు ప్రదర్శితమైంది. ఇక కలెక్టర్ నుంచి అదనపు షోలకు అనుమతులు లభించడంతో ఈ సినిమా రోజుకు ఏడు, ఎనిమిది షోలు ప్రదర్శించబడి అరుదైన ఘనతను సొంతం చేసుకుంది.
అంతేకాదు దేశంలోనే ఈ అరుదైన రికార్డ్ బాలయ్యకు మాత్రమే సొంతమని సమాచారం అందుతోంది.అయితే కర్నూలు జిల్లాలో ఒకే ప్రింట్ తో కోడుమూరు, గూడూరు కేంద్రాలలో శతదినోత్సవం జరుపుకున్న సినిమా నరసింహ నాయుడు కావడం గమనార్హం.పోతే సినిమా ఇండస్ట్రీలో మరే హీరోకు లేని ఈ అరుదైన ఘనత బాలయ్య బాబుకు సొంతమైంది.అంతేకాదు నరసింహ నాయుడు సినిమా ఎన్నో అద్భుతమైన రికార్డులను క్రియేట్ చేయగా ఆ రికార్డులలో చాలా రికార్డులు ఇప్పట్లో బ్రేక్ అయ్యే అవకాశాలు అయితే లేవని తెలుస్తోంది...!!