ఇప్పటి వరకు కొత్త డైరెక్టర్లు కొత్త కథలను తెరకెక్కించి విజయాలను అందుకున్నారు. అటువంటి ఒక పరభాష సినిమా తక్కువ బడ్జెట్ తో తెరకెక్కి దానికి అయిదు రెట్లు కలెక్షన్ లను సాధించి సౌత్ సినిమా పరిశ్రమలో టాక్ ఆఫ్ ది ఇండస్ట్రీ అయింది. ఈ మధ్యనే మలయాళంలో "జయ జయ జయ జయహే" అనే పేరుతో ఒక సినిమా విడుదలైంది. ఒక చిన్న కథను అద్భుతమైన స్క్రీన్ ప్లే మరియు నటనతో బ్లాక్ బస్టర్ హిట్ సాధించారు దర్శకుడు విపిన్ దాస్. ఈ చిత్రంలో బాసిల్ జోసెఫ్ , దర్శన రాజేంద్రన్ మరియు అజు వర్గీస్ లు నటించి సినిమా విజయంలో ముఖ్య భూమిక పోషించారు.
కథలోకి వెళితే భర్త భార్యను చీటికిమాటికి కొట్టడం మరియు దానిని భార్య ఎంతవరకు భరించింది... చివరకు భర్తపై ఎదురుతిరిగితే భర్త రియాక్షన్ ఏంటి అన్న కథాంశాన్ని అల్లుకుని సృష్టిచిన సినిమా ప్రేక్షకుల హృదయాలను హత్తుకుంది అని చెప్పాలి. ఎంతలా అంటే 5 కోట్ల బడ్జెట్ తో ఈ సినిమా నిర్మితం అయితే... 25 కోట్ల కలెక్షన్ లను సాధించి చిన్న సినిమాలకు రోల్ మోడల్ గా నిలిచింది.