‘గబ్బర్ సింగ్’ మూవీ తరువాత వీరిద్దరి కాంబినేషన్ లో రాబోతున్న మూవీ కావడంతో ఈ మూవీ పై అత్యంత భారీ అంచనాలు ఉన్నాయి. ‘భవధీయుడు భగత్ సింగ్’ అంటూ ప్రచారంలోకి వచ్చిన ఈమూవీ టైటిల్ చివరకు ‘ఉస్తాద్ భగత్ సింగ్’ గా మారింది. తమిళ సినిమా రీమేక్ గా రూపొందుతున్న ఈ మూవీ కథలో హరీష్ శంకర్ అనేక మార్పులు చేర్పులు చేసాడు అని అంటున్నారు.
ఈ మూవీలో పవన్ కళ్యాణ్ పక్కన సెకండ్ హీరోయిన్ గా శ్రీలీల నటిస్తూ ఉంటే మెయిన్ హీరోయిన్ గా పూజా హెగ్డే ని ఫిక్స్ చేయడానికి హరీష్ శంకర్ చాల ప్రయత్నాలు చేస్తున్నట్లు తెలుస్తోంది. నిన్న ఉదయం ఈమూవీ షూటింగ్ ప్రారంభానికి ముందు హరీష్ శంకర్ ‘ఎన్నాళ్ళో వేచిన ఉదయం’ అంటూ తన ఆనందాన్ని సోషల్ మీడియా ద్వారా తెలియచేసాడు.
ఈమూవీ షూటింగ్ లో 10 రోజులు వరసగా పాల్గొని ఆతరువాత పవన్ సుజిత్ దర్శకత్వంలోని లేటెస్ట్ మూవీ వైపు వెళతాడు అని అంటున్నారు. ఈసారి అధికారమే లక్ష్యంగా అడుగులు వేస్తున్న పవన్ వరసపెట్టి సినిమాలు చేస్తూ మరొకవైపు తన రాజకీయ వ్యూహాలకు పెడుతున్న పదును చూసి తలలు పండిన రాజకీయ వేత్తలు కూడ ఆశ్చర్యపోతు పూర్తిగా మారిపోయిన పవన్ కళ్యాణ్ ను ఎత్తులను నిశితంగా పరిశీలిస్తున్నారు..
