ఈ మూవీలో మెగా అభిమానులకు జోష్ ను కలిగించడానికి ఒక ఐటమ్ సాంగ్ ను క్రియేట్ చేసినట్లు తెలుస్తోంది. అనేకమంది పేర్లు పరిశీలించిన తరువాత చిరంజీవి పక్కన శ్రియ నటిస్తే బాగుంటుంది అన్న ఉద్దేశ్యంతో ఆమెను ఫైనల్ చేసినట్లు వార్తలు వచ్చాయి. అయితే ఆఖరి నిముషంలో శ్రియ ఈ మూవీ నిర్మాతలకు ఊహించని షాక్ ఇచ్చింది అని అంటున్నారు. ఈ స్పెషల్ సాంగ్ లో ఆమె నటించినందుకు ఆమె 75 లక్షల పారితోషికం శ్రియ డిమాండ్ చేసింది అన్న వార్తలు వస్తున్నాయి.
వాస్తవానికి ప్రస్తుతం ఇండస్ట్రీలో ఉన్న పోటీ వాతావరణ నేపధ్యంలో 75 లక్షల పారితోషికానికి మీడియం రేంజ్ హీరోయిన్స్ సినిమాలో హీరోయిన్ గా చేయడానికి ఒప్పుకుంటున్నారు. అలాంటి పరిస్థితులలో శ్రియ కు 75 లక్షల పారితోషికం ఎక్కువ అని భావించి ఆమెతో సంప్రదింపులు జరుపుతున్నప్పటికీ ఆమె మెట్టు దిగడంలేదు అన్న మాటలు వినిపిస్తున్నాయి. సమంత తమన్నా కాజల్ లకు గత కొన్ని సినిమాలలో ఐటమ్ సాంగ్ కు ఇచ్చిన పారితోషికాన్ని ఆధారంగా చేసుకుని శ్రియ ఇలా అడిగి ఉంటుంది అని అంటున్నారు.
వాస్తవానికి ఇండస్ట్రీలో శ్రియ కు పెద్దగా డిమాండ్ లేదు అయినప్పటికీ ఆమె తన పారితోషికాన్ని ఈవిధంగా ఎందుకు ఎక్కువగా చెప్పిందో ఈ మూవీ నిర్మాతలకు అర్థంకాని విషయంగా మారింది అని అంటున్నారు. దీనితో 25 లక్షల రేంజ్ లో కొంచం గ్లామర్ ఎక్స్ పోజ్ చేయగల హీరోయిన్ ఎవరున్నారా అంటూ ఈ ఐటమ్ సాంగ్ కోసం అన్వేషణ కొనసాగుతోంది అంటూ ఇండస్ట్రీలో గాసిప్పులు గుప్పుమంటున్నాయి..
