ప్రత్యేకం గా కొంత టైం కేటాయించుకొని ఏకంగా సోషల్ మీడియా వేదికగా అభిమానులతో ముచ్చటించడం లాంటివి చేస్తూ ఉన్నారు ఎంతో మంది సెలబ్రిటీలు. ఇలా ఒకప్పుడు సినిమాల్లో నటించి ఇక ఇప్పుడు సినిమాలకు దూరమై పోయిన వారు సైతం ఇక సోషల్ మీడియాలో తమ కుటుంబానికి సంబంధించిన విషయాలను పంచుకుంటూ ఉండటం గమనార్హం. ఇటీవల హీరో నిఖిల్ హీరోయిన్ గా పేరు సంపాదించుకున్న పూజ రామచంద్రన్ అభిమానులందరికీ కూడా ఒక పండగ లాంటి గుడ్ న్యూస్ చెప్పింది.
పూజా రామచంద్రన్ ఇటీవల పండంటి మగ బిడ్డకు జన్మనిచ్చింది. ఈ విషయాన్ని ఆమె భర్త జాన్ కొకేన్ ఇంస్టాగ్రామ్ లో వెల్లడించారు. బాబుకు కియాన్ కోకేన్ అనే పేరు పెట్టినట్లు ఆయన చెప్పుకొచ్చారు. అయితే తమిళ బిగ్ బాస్ ద్వారా వెలుగులోకి వచ్చిన పూజ రామచంద్రన్.. కాంచన 2, దోచేయ్, త్రిపుర, వెంకీ మామ, దళం, నిఖిల్ హీరోగా వచ్చిన స్వామి రారా సినిమాల్లో నటించారు. ఇక పూజ రామచంద్రన్ భర్త జాన్ కొకేన్ కేజిఎఫ్, కబ్జా, వీర సింహారెడ్డి లాంటి సినిమాల్లో కనిపించారు. అయితే పూజ రామచంద్రన్ దంపతులకు అభిమానులు సోషల్ మీడియా వేదికగా శుభాకాంక్షలు తెలియజేస్తున్నారు.