ఏప్రిల్ ఫస్ట్ వీక్ లో ‘వకీల్ సాబ్’ తో సమ్మర్ సినిమాల జాతర మొదలై ఆతరువాత వరస పెట్టి క్రేజీ సినిమాల హడావిడి కొనసాగుతుంది అని భావించి ఉమ్మర్ సినిమాల బిజినెస్ కూడ భారీ స్థాయిలో జరిగింది. ఇప్పుడు ఆ ఆశలను గల్లంతు చేస్తూ తెలుగు రాష్ట్రాలలో కరోనా సెకండ్ వేవ్ తీవ్ర స్థాయికి చేరుకోవడమే కాకుండా ఆంధ్ర ప్రాంతంలో కొత్తగా లో రేట్ల తంటా వచ్చి పడింది.
అసలే కలెక్షన్స్ లేక దిగాలు పడిపోతున్న సినిమాలకు ఆంధ్రప్రాంతానికి చెందిన ఈ టికెట్ల రేట్ల నిబంధనలు నిర్మాతలను మరింత ఖంగారు పెడుతున్నట్లు వార్తలు వస్తున్నాయి. ఇది ఇలా ఉండగా ఈనెల 16న రావాల్సిన ‘లవ్ స్టోరీ’ వాయిదా పడింది. 23న రావాల్సిన నాని ‘టక్ జగదీష్’ కూడ అదే దారి పట్టింది. అదేవిధంగా ఈ నెలాఖరుకు రావలసిన విరాటపర్వం కూడ వాయిదా పడటంతో ఈ నెలలలో రిలీజ్ అవుతున్న చెప్పుకోదగ్గ సినిమాలు లేవు.
ఇక మే నెలలో రావలసి ఉన్న ‘ఆచార్య’ కూడ వాయిదా పడుతుందని వార్తలు వినిపిస్తున్నాయి. ఇలాంటి పరిస్థితులలో ఇక మిగిలి ఉంది. బాలయ్య అఖండసినిమా మాత్రమే. మే 28న విడుదల కావలసి ఉన్న ఈ సినిమాకు ఇంకా వర్క్ ఉందని వార్తలు వినిపిస్తున్నాయి. ఇప్పటి పరిస్థితులలో మే నెలలో కూడ సరైన సినిమా విడుదలకు అవకాశం లేదు. ఈ పరిస్థితులలో కీలకమైన సమ్మర్ సీజన్ కరిగిపోయి ఇక పోస్ట్ సమ్మర్ సీజన్ మాత్రమే మిగిలి ఉంటే ఈ సీజన్ లో ఎన్ని సినిమాలు విడుదల అవుతాయి ఎన్ని సినిమాలు నిలబడ గలుగుతాయి అంటూ ఇండస్ట్రీ వర్గాలు నిట్టూర్పులు విడుస్తున్నారు..
