మెగాస్టార్ చిరంజీవి కొరటాల శివ దర్శకత్వంలో ఆచార్య అనే సినిమా చేస్తున్న విషయం తెలిసిందే. కమర్షియల్ సినిమాలకు మెసేజ్ ను జోడించి సూపర్ హిట్ సినిమాలను చేసే కొరటాల శివ ఈ సినిమా ను అదేవిధంగా తెరకెక్కించి మరో బ్లాక్ బస్టర్ హిట్ కొట్టడానికి సిద్ధంగా ఉన్నాడు. వీరిద్దరి కలయికలో వస్తున్న తొలి సినిమా కావడంతో మెగా అభిమానులు ఈ సినిమా పై భారీ అంచనాలు పెట్టుకున్నారు. తన రీ ఎంట్రీలో మెగాస్టార్ చిరంజీవి సినిమాలు చేసుకుంటూ పోతుండగా ప్రస్తుతం తెరకెక్కుతున్న సినిమాలలో ఈ సినిమా క్రేజీ సినిమా గా ఉందని చెప్పవచ్చు.
ఈ సినిమా తర్వాత తమిళ దర్శకుడు మోహన్ రాజా దర్శకత్వంలో మలయాళ సూపర్ హిట్ సినిమా లూసిఫర్ ను తెలుగులో రీమేక్ చేస్తున్నాడు చిరంజీవి. ఇప్పటికే ప్రీ ప్రొడక్షన్ పనులు పూర్తయిన ఈ సినిమా త్వరలోనే రెగ్యులర్ షూటింగ్ కు వెళ్లబోతోంది. ఇక ఈ సినిమాతో పాటే బాబి దర్శకత్వంలో movie MAKERS' target='_blank' title='మైత్రి మూవీ మేకర్స్-గురించి లేటెస్ట్ అప్డేట్స్, ఫోటోలు, వీడియోల కొరకు వెంటనే క్లిక్ చేయండి. '>మైత్రి మూవీ మేకర్స్ బ్యానర్ పై ఈ సినిమాను కూడా ప్యార్ లల్ గా చేయనున్నాడట చిరంజీవి. చిరంజీవి ని గతంలో ఎప్పుడు చూడని విధంగా ఈ సినిమాలో చూడబోతున్నారు అంటున్నాడు దర్శకుడు బాబి.
ఇక తమిళ సూపర్ హిట్ చిత్రం వేదలం రీమేక్ మెహర్ రమేష్ దర్శకత్వంలో చేస్తున్న విషయం తెలిసిందే. ఈ సినిమాను ఈ రెండు సినిమాల తరువాత చేయనున్నాడట. ఇకపోతే ఆచార్య సినిమాలో రామ్ చరణ్ పాత్ర గురించి తాజాగా ఓ అప్డేట్ వచ్చింది. ఆచార్య సినిమాను మలుపు తిప్పే పాత్రలో రామ్ చరణ్ నటిస్తుండగా ఈ సినిమా ప్రారంభంలో ఈ పాత్రకు సంబంధించి చాలా తక్కువ నిడివి మాత్రమే ఉండేదట. కానీ రామ్ చరణ్ ఈ పాత్ర చేయడానికి ఉత్సాహం చూపించడం తో కొరటాల శివ తండ్రికి సమానంగా ఈ పాత్రను పవర్ ఫుల్ గా తీర్చిదిద్దాడట. చిరంజీవికి జోడీగా కాజల్ అగర్వాల్ నటిస్తుండగా రామ్ చరణ్ కు పూజాహెగ్డే జోడీగా నటిస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి