കല്യാണ ദിവസം ദേഹത്ത് വന്ന ലിപ്സ്റ്റിക്കിന്റെ പാടിനെ കുറിച്ച് നിരഞ്ജ്! കുട്ടിക്കാലം മുതലേ സുഹൃത്ത് ആയിരുന്ന നിരഞ്ജനയെയാണ് നിരഞ്ജ് വിവാഹം ചെയ്തത്. തങ്ങൾ തമ്മിൽ ഒരു 'അന'യുടെ വ്യത്യാസം മാത്രമേയുള്ളൂ എന്നാണ് നിരഞ്ജന പറയുന്നത്. തങ്ങളുടെ സൗഹൃദത്തെ കുറിച്ചും വിവാഹത്തെ കുറിച്ചും എല്ലാം ബിഹൈന്റ്വുഡിന് നൽകിയ അഭിമുഖത്തിൽ രണ്ട് പേരും സംസാരിക്കുകയുണ്ടായി. മലയാള സിനിമയിൽ അടുത്തിടെ ആഘോഷിക്കപ്പെട്ട വിവാഹങ്ങളിലൊന്നാണ് നടനും മണിയൻപിള്ള രാജുവിന്റെ മകനുമായ നിരഞ്ജിന്റെ വിവാഹം. വലിയൊരു പ്രണയ കഥ ഒന്നും ഞങ്ങളുടെ കാര്യത്തിൽ പ്രതീക്ഷിക്കേണ്ട. സ്കൂൾ കാലം മുതലേ നല്ല സുഹൃത്തുക്കളായിരുന്നു. പിന്നെ ബെസ്റ്റ്ഫ്രണ്ട് ആയി. കല്യാണം ആലോചിക്കുന്ന സമയം ആയപ്പോൾ എന്തുകൊണ്ട് നമ്മൾക്ക് തന്നെ വിവാഹം ചെയ്തുകൂടാ എന്ന ചിന്തിച്ചു.
കാര്യം വീട്ടുകാരോട് പറയുകയായിരുന്നു. ചെറുപ്പം മുതലേ പരസ്പരം അറിയാവുന്നതായതുകൊണ്ട് വീട്ടുകാർക്കും എതിർപ്പ് ഉണ്ടായിരുന്നില്ല. കല്യാണത്തിന് മുൻപേ തന്നെ സുഹൃത്ത് എന്ന നിലയിൽ എന്തും എപ്പോഴും തുറന്ന് പറയുകയും വഴക്കിടുകയും ചെയ്യുമായിരുന്നു. ആ വഴക്കും അഭിപ്രായ വ്യത്യാസങ്ങളും ഞങ്ങൾ ഇപ്പോഴും തുടരുന്നു. കല്യാണ ശേഷം ഞങ്ങൾക്ക് വലിയ മാറ്റം ഒന്നും വന്നതായി തോന്നുന്നില്ല. പരസ്പരം ഏറ്റവും നന്നായി അറിയാവുന്ന ആളാണ് ഞങ്ങൾ. അതിനപ്പുറം നല്ല സുഹൃത്തുക്കളും. രണ്ട് പേർക്കും ഇടയിൽ ഒരുപാട് അഭിപ്രായ വ്യത്യാസങ്ങളുണ്ട്. ഞാനാണെങ്കിൽ കുന്നും മലയും എല്ലാം ഇറങ്ങിയും കയറിയും ഒരുപാട് നടന്ന് വരണം. സ്കൂൾ പഠന കാലത്ത് ബസ് കിട്ടാനായി ഞാൻ ഓടി കിതച്ച് വരുമ്പോഴേക്കും ബസ്സ് ഒരു സെക്കന്റിന് മിസ്സ് ആകും.
തൊട്ടടുത്ത് തന്നെ വീടുണ്ടായിട്ടും ഭക്ഷണം കഴിക്കാനുള്ള ലാഗ് കാരണം ലേറ്റ് ആയി വരുന്ന ആളാണ് നിരഞ്ജന എന്ന് നിരഞ്ജ് പറഞ്ഞു. നിരഞ്ജനയിൽ ഇഷ്ടമില്ലാത്ത ഒരു സ്വഭാവത്തെ കുറിച്ച് ചോദിച്ചപ്പോൾ, ഭക്ഷണം കഴിക്കാൻ വളരെ ലാഗ് ആണ് എന്നാണ് നിരഞ്ജ് പറഞ്ഞത്. പുള്ളിക്കാരിയുടെ വീടിന് മുന്നിൽ തന്നെയാണ് ബസ് സ്റ്റോപ്പ്.ഡിസൈനിങ് ഇന്റസ്ട്രിയിൽ നിൽക്കുന്നത് കാരണം ഓരോ മെറ്റീരിയലിന്റെയും മേക്കിങിനെ കുറിച്ചും അതിന്റെ യഥാർത്ഥ റേറ്റിനെ കുറിച്ചും എനിക്ക് അറിയാൻ പറ്റും. അപ്പോൾ നിരഞ്ജ് വില കൂടിയ ബ്രാന്റഡ് സാധനം ഇട്ട് വരുമ്പോൾ, കൊള്ളില്ല എന്ന് മുഖത്തടിയ്ക്കും പോലെ പറയുമത്രെ.
രണ്ടായിരം രൂപയ്ക്ക് നിരഞ്ജ് ഒരു ഷർട്ട് വാങ്ങിയാൽ ആ വിലയിൽ താൻ മൂന്ന് ഡ്രസ്സ് വാങ്ങും എന്നാണ് നിരഞ്ജന പറയുന്നത്. നിരഞ്ജിൽ ഇഷ്ടമില്ലാത്തതിനെ കുറിച്ച് ചോദിച്ചപ്പോൾ സ്‌റ്റൈലിനെ കുറിച്ചാണ് ഡിസൈനർ ആയ നിരഞ്ജന പറഞ്ഞത്. തങ്ങളുടെ കല്യാണത്തിന് വന്ന സെലിബ്രിറ്റി സാന്നിധ്യങ്ങളെ കുറിച്ചാണ് പിന്നീട് നിരഞ്ജനയും നിരഞ്ജും സംസാരിച്ചത്. മമ്മൂക്ക ആദ്യാവസാനം വരെ കുടുംബത്തിലെ അംഗത്തെ പോലെ നിന്നതിനെ കുറിച്ചുള്ള സന്തോഷം നിരഞ്ജ് പങ്കുവച്ചു. അത് ഒട്ടും പ്രതീക്ഷിച്ചതായിരുന്നില്ല. അതുപോലെ വന്ന ജയറാമേട്ടനടക്കം പല സെലിബ്രിറ്റികളും ഉണ്ടായിരുന്നു. ലാലേട്ടൻ റാം എന്ന സിനിമയുടെ ചിത്രീകരണവുമായി ബന്ധപ്പെട്ട് ഇന്ത്യയ്ക്ക് പുറത്തായത് കൊണ്ടാണ് വരാതിരുന്നത്.
Find out more:
click and follow Indiaherald WhatsApp channel