ఈనెల 28న పవన్ కళ్యాణ్ సాయి ధరమ్ తేజ్ ల ‘బ్రో’ విడుదల కాబోతోంది. పవన్ దేవుడు గా ఒక డిఫరెంట్ లుక్ లో కనిపిస్తున్న ఈ మూవీ పై భారీ అంచనాలు ఉన్నాయి. ఈ మూవీ స్క్రిప్ట్ సంభాషణలు అన్నీ త్రివిక్రమ్ వ్రాయడంతో మాటల మాంత్రికుడి మ్యాజిక్ తో ఈ మూవీ బ్లాక్ బష్టర్ హిట్ అవుతుందని పవర్ స్టార్ అభిమానులు ఆశిస్తున్నారు.
ఈ సినిమా విడుదలైన కేవలం రెండు వారాల గ్యాప్ తో ఇండిపెండెన్స్ డేకి కలిసి వస్తున్న లాంగ్ వీకెండ్ ను టార్గెట్ చేస్తూ చిరంజీవి మెహర్ రమేష్ ల ‘భోళాశంకర్’ విడుదల కాబోతోంది. ఇప్పటికే ఈ మూవీ టీజర్ కు స్పందన బాగా రావడంతో ‘వాల్తేర్ వీరయ్య’ ఇచ్చిన జోష్ ను చిరంజీవి కొనసాగించే అవకాశాలు స్పష్టంగా కనిపిస్తున్నాయి. ఈ మూవీ విడుదలైన రెండు వారాల గ్యాప్ తో వరుణ్ తేజ్ నటించిన ‘గాండీవధారి అర్జున’ విడుదల కాబోతోంది.
డిఫరెంట్ సినిమాల దర్శకుడుగా పేరుగాంచిన ప్రవీణ్ సత్తార్ దర్శకత్వంలో ఈ మూవీ పూర్తి యాక్షన్ మూవీగా నిర్మించారు. ఈమధ్య ఫ్లాప్ లతో సతమతమవుతున్న వరుణ్ తేజ్ ఈ మూవీతో తిరిగి తనకు అదృష్టం కలిసి వస్తుందని ఆశిస్తున్నాడు. మెగా హీరోలకు సంబంధించిన ఈ మూడు సినిమాల పై 2 వందల కోట్లకు పైగా బిజినెస్ జరిగే ఆస్కారం ఉంది. దీనితో ఈ మూడు సినిమాలలో ఏసీనిమాకు ప్రేక్షకులు పట్టంకడతారు అన్న విషయం ప్రస్తుతానికి సస్పెన్స్..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి