ബറോസിൽ അത്യുഗ്രൻ ഫൈറ്റുമായി നടൻ മോഹൻലാൽ! അഭിനയത്തിൽ മറ്റൊരാൾക്കും എത്തിപ്പിടിക്കാൻ സാധിക്കാത്തത്ര ചെയ്തുവെച്ച അദ്ദേഹം ഇപ്പോൾ സംവിധാനത്തിലേയ്ക്കും കടക്കുകയാണ്. ബറോസ് എന്ന സിനിമ അതിൻ്റെ പ്രഖ്യാപന ദിവസം മുതൽ ആരാധകരെ ഒന്നാകെ ആവേശത്തിലാഴ്ത്തുകയാണ്. ചിത്രത്തെക്കുറിച്ചുള്ള ഓരോ വിവരവും ഇതേ ആകാംക്ഷ നിലനിർത്തുകയുമാണ്. കഴിഞ്ഞ ദിവസം ബറോസ് ഷൂട്ടിംഗ് പൂർത്തിയാക്കി മോഹൻലാൽ പാക്കപ്പ് വിളിച്ചിരുന്നു. ഇപ്പോൾ ചിത്രത്തിൻ്റെ മറ്റൊരു വിശേഷമാണ് സോഷ്യൽ മീഡിയയിൽ ചർച്ചയാകുന്നത്. പ്രേക്ഷകരെ അതിശയിപ്പിക്കാൻ മോഹൻലാൽ കച്ചകെട്ടിയിറങ്ങിയിരിക്കുകയാണ്.ബറോസിൻ്റെ പ്രീവിഷ്വലൈസേഷൻ വീഡിയോയാണത്. ചിത്രത്തിനായി ഒരുക്കിയിരിക്കുന്ന ഫൈറ്റ് സീനുകൾ കണ്ട് ഞെട്ടിയിരിക്കുകയാണ് ആരാധകർ. ഒരുപക്ഷേ ഈ വീഡിയോ നമുക്ക് സിനിമയിൽ കാണാൻ സാധിച്ചെന്നുവരില്ല.
വീഡിയോ സിനിമയ്ക്ക് വേണ്ടി ചിത്രീകരിച്ചിരുന്നെന്നും പക്ഷേ എഡിറ്റിൽ ഒഴിവാക്കി എന്നുമാണ് ആക്ഷൻ ഡയറക്ടർ ജയ് ജെ ജക്രിത് പറയുന്നത്. അതുകൊണ്ടാണ് സോഷ്യൽ മീഡിയയിൽ ഈ വീഡിയോ അപ്ലോഡ് ചെയ്തിരിക്കുന്നത്. സിനിമ ആനിമേറ്റഡ് ആകുമോ എന്നുള്ള സംശയങ്ങളൊക്കെ തുടക്കം മുതലേ കേട്ടിരുന്നു. കുട്ടികൾക്കായുള്ള ചിത്രമാവും എത്തുക എന്നും പ്രചരിക്കപ്പെട്ടിരുന്നു. എന്നാൽ നല്ല ഗംഭീര ഫൈറ്റ് സീനുകളും അടങ്ങുന്നതാണ് സിനിമയെന്ന് തെളിയിക്കുന്നതാണ് ഇപ്പോൾ പുറത്തിറങ്ങിയിരിക്കുന്ന വീഡിയോ.ബറോസിൻ്റെ ഷൂട്ടിങ് അവസാനിച്ചപ്പോൾ എല്ലാവരും പ്രതീക്ഷിച്ച ഒരു പാക്കപ്പ് വിളി ഉണ്ടായിരുന്നു. ആ സമയം പലരുടെയും മൊബൈൽ ക്യാമറകളും ഓൺ ആയിരുന്നു. പക്ഷേ അതിൽ നിന്നെല്ലാം വ്യത്യസ്തമായി ദൈവത്തോട് നന്ദി പറയുന്ന മോഹൻലാലിനെയാണ് കണ്ടത്... അനീഷ് ഉപാസന കുറിച്ചത് ഇങ്ങനെയാണ്. മറ്റാരും കാണാതെ സ്വകാര്യതയുടെ ഒരു സെക്കൻ്റിനുള്ളിൽ തീർത്തതാണ് ഈ പ്രാർത്ഥന എന്ന ക്യാപ്ഷനോടെയാണ് മോഹൻലാൽ ആകാശങ്ങളിലേക്ക് നോക്കി നിൽക്കുന്ന ചിത്രം അനീഷ് ഉപാസന പങ്കുവെച്ചത്.
സോഷ്യൽമീഡിയ വഴിയാണ് ചിത്രം പാക്കപ്പായ വിവരം മോഹൻലാൽ പ്രേക്ഷകരെ അറിയിച്ചത്. ഫാൻ്റസി ചിത്രമായ ബറോസിൻ്റെ സ്റ്റിൽ ഫോട്ടോഗ്രാഫർ അനീഷ് ഉപാസന ഫേസ്ബുക്കിൽ എഴുതിയ ഒരു കുറിപ്പും കഴിഞ്ഞ ദിവസം വൈറലായിരുന്നു.ബറോസിൻ്റെ ചിത്രീകരണച്ചെലവുകൾ നിർമാതാവ് ആൻ്റണി പെരുമ്പാവൂർ വെളിപ്പെടുത്തിയതായുള്ള റിപ്പോർട്ടുകൾ മുൻപ് പുറത്ത് വന്നിരുന്നു. 100 കോടി രൂപയിലേറെ ചെലവഴിച്ചാണ് ബറോസ് ഒരുങ്ങുന്നതെന്നാണ് സൂചന. 3ഡിയിൽ ഒരുങ്ങുന്ന ചിത്രത്തിന് മരയ്ക്കാറിനേക്കാൾ കുറഞ്ഞ ചിത്രീകരണ ചിലവാണ് ചിത്രത്തിനെന്നാണ് വിവരം. നാല് പതിറ്റാണ്ട് നീണ്ട സിനിമാ ജീവിതത്തിൽ ആദ്യമായി മോഹൻലാൽ സംവിധായക വേഷമണിയുന്ന സിനിമയാണ് ബറോസ്.
ചിത്രത്തിൽ പ്രധാന വേഷത്തിൽ പ്രണവ് മോഹൻലാലും എത്തുന്നുണ്ടെന്നാണ് സൂചനകൾ. പാക്കപ്പ് ചിത്രത്തിൽ അണിയറപ്രവർത്തകരോടൊപ്പം പ്രണവും ഉണ്ടായിരുന്നു. മോഹൻലാൽ 'ബറോസ്'ആയി എത്തുമ്പോൾ പാസ് വേഗ, ഗുരു സോമസുന്ദരം, പൃഥ്വിരാജ് തുടങ്ങിയ താരങ്ങളും ചിത്രത്തിലുണ്ട്. ജിജോ പുന്നൂസിൻ്റെയാണ് രചന. സന്തോഷ് ശിവൻ ഛായാഗ്രഹണവും പ്രൊഡക്ഷൻ ഡിസൈൻ സന്തോഷ് രാമനുമാണ് നിർവഹിക്കുന്നത്. ചിത്രം വിവിധ ഭാഷകളിൽ വേൾഡ് വൈഡ് റിലീസ് ചെയ്തേക്കും.
Find out more:
click and follow Indiaherald WhatsApp channel