ఎస్ ఎస్ రాజమౌళి దర్శకత్వంలో ప్రభాస్ నటించిన బాహుబలి మూవీతో తెలుగు సినిమా సత్తా ఏంటో ప్రపంచానికి తెలిసింది. అంతేకాదు ఇండియన్ బాక్స్ ఆఫీస్ వద్ద ఫస్ట్ టైం 1000 కోట్ల మార్క్ అందుకున్న మూవీ కూడా ఇదే. ఆ తర్వాత బాలీవుడ్ నుంచి దంగల్, పఠాన్, జవాన్.. కన్నడ ఇండస్ట్రీ నుంచి కేజిఎఫ్ 2 ఈ మార్కెట్లో చోటు సంపాదించుకున్నాయి. కానీ పాన్ ఇండియా ట్రెండ్ రాకముందే సౌత్ కి కొన్ని నేషనల్ సినిమాలు ఇచ్చిన తమిళ సినిమా మాత్రం ఇంతవరకు వేయికోట్ల మార్కును అందుకోలేకపోయింది. 

అందుకే రాబోయే రోజుల్లో ఆ కోరిక తీరుతుందేమో అని ఎంతో ఆసక్తి ఎదురు చూస్తున్నారు తమిళ ఆడియన్స్. శంకర్, మణిరత్నం లాంటి స్టార్ డైరెక్టర్స్ తమ సినిమాలకు వందల కోట్లు సాధించినా, వెయ్యి కోట్ల మార్కెట్ ను టచ్ చేయలేకపోయారు. ఇప్పుడు ఆ టార్గెట్ ను రీచ్ అయ్యేందుకు రెడీ అవుతున్నాడు యంగ్ డైరెక్టర్ లోకేష్ కనగరాజ్. ఇప్పటికే లియో సినిమాతో రూ.500 కోట్ల మార్క్ క్రాస్ చేసిన లోకేష్ తన నెక్స్ట్ టార్గెట్ రూ.1000కోట్లు అంటున్నాడు. లియో సక్సెస్ తర్వాత సూపర్ స్టార్ రజనీకాంత్ తో సినిమా చేస్తున్నాడు లోకేష్.

LCU లో భాగంగా తెరకెక్కుతున్న ఈ మూవీ త్వరలోనే సెట్స్ పైకి వెళ్ళనుంది. లియోతో మొదటిసారి పాన్ ఇండియా మార్కెట్ ని టచ్ చేసిన లోకేష్ ప్రమోషన్స్ మాత్రం రీజనల్ మార్కెట్ లోనే చేశాడు. కానీ రజిని సినిమా విషయంలో అలా కాకుండా స్పెషల్ ప్లాన్ రెడీ చేస్తున్నాడు. అటు జైలర్ తో భారీ కం బ్యాక్ అందుకున్న రజిని కూడా లోకేష్ మూవీ విషయంలో చాలా జాగ్రత్తగా తీసుకుంటున్నారు. సూపర్ స్టార్ మ్యానియా కి లోకేష్ టేకింగ్ తోడైతే కలెక్షన్ విషయంలో డౌటే ఉండదని మేకర్స్ భావిస్తున్నారు. అందుకే ఈసారి రూ.1000 కోట్లు టార్గెట్ తో బరిలోకి దిగబోతున్నారు. మరి లోకేష్ కనకరాజ్ 1000 కోట్ల మార్క్ అందుకుంటాడేమో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Anilkumar

28/11/2023 08:57 PM