లావణ్య త్రిపాఠి తన పెళ్లి తరువాత కూడా కెరీర్‌పై దృష్టి పెట్టడమే కాకుండా, కుటుంబ జీవితాన్ని సంతోషంగా ప్లాన్ చేసుకోవడం చాలా తెలివైన నిర్ణయంగా అందరూ ప్రశంసిస్తున్నారు. ఈ నిర్ణయం ఆమె వ్యక్తిగత జీవితానికి ఎటువంటి ఆటంకాలు లేకుండా ముందుకు సాగడానికి సాయం చేస్తుందని అభిమానులు అభిప్రాయపడుతున్నారు. అయితే, ఈ సంతోష వార్తల మధ్య సోషల్ మీడియాలో కొంతమంది నెటిజన్లు హీరోయిన్ సమంతను టార్గెట్ చేస్తూ వివాదాస్పద కామెంట్లు చేస్తున్నారు. "సమంత కూడా పెళ్లి వెంటనే పిల్లల్ని ప్లాన్ చేసి ఉంటే ఇంత పెద్ద సమస్యలు ఎదుర్కోవాల్సిన అవసరం వచ్చేది కాదు," అంటూ కొందరు సోషల్ మీడియాలో విమర్శిస్తున్నారు. వారి అభిప్రాయం ప్రకారం, కెరీర్ కారణంగా కుటుంబ జీవితం ఆలస్యం చేయడం వల్లే సమంత-నాగచైతన్యల మధ్య మనస్పర్ధలు పెరిగి విడాకుల వరకు దారితీసిందని కామెంట్లు చేస్తున్నారు.
లావణ్య గర్భవతి అని వార్తలు వచ్చినప్పటి నుంచే సమంతను ట్రోల్ చేసిన నెటిజన్లు, ఇప్పుడు ఆమె బిడ్డకు జన్మనిచ్చిన సందర్భంలో కూడా అదే విధంగా నెగిటివ్ కామెంట్లు చేయడం అభిమానులకు కోపం తెప్పిస్తోంది. సమంత అభిమానులు దీనిపై ఘాటుగా స్పందిస్తూ, "ఏ హీరోయిన్ ప్రెగ్నెంట్ అయినా, డెలివరీ అయినా సమంతను ఎందుకు టార్గెట్ చేస్తున్నారు? మీకు ఇంకేమీ పని లేదా?" అంటూ సోషల్ మీడియాలో ఆగ్రహం వ్యక్తం చేస్తున్నారు. ఇదే సమయంలో సమంత రెండో పెళ్లి చేసుకోబోతుందనే వార్తలు సినీ వర్గాల్లో హాట్ టాపిక్‌గా మారాయి. నెటిజన్లు, మీడియా రిపోర్టుల ప్రకారం సమంత నటుడు రాజ్ నిడుమూరుతో పెళ్లి పీటలు ఎక్కబోతోందని ప్రచారం జరుగుతోంది. వీరిద్దరి వ్యక్తిగత క్షణాల ఫోటోలు, కొన్ని క్లోజ్డ్ పిక్స్ ఇప్పటికే సోషల్ మీడియాలో వైరల్ అవుతున్నాయి. అయితే ఈ వార్తలపై సమంత గానీ, రాజ్ నిడుమూరు గానీ అధికారికంగా స్పందించలేదు. లావణ్య త్రిపాఠి, వరుణ్ తేజ్ జీవితంలో ఈ మధురమైన కొత్త అధ్యాయం మెగా ఫ్యామిలీకి కొత్త వెలుగులు నింపింది. అభిమానులు ఈ జంటకు, వారి చిన్నారికి ప్రేమతో కూడిన ఆశీస్సులు అందిస్తూ, ఈ సంతోష క్షణాలను ఆనందిస్తున్నారు..!!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి