ఈ సినిమాలో చిరంజీవి లుక్‌, ఆయన పాత్ర, డైలాగ్‌లు అన్నీ చాలా ఫ్రెష్‌గా, ఫ్యామిలీ ఆడియెన్స్‌కి దగ్గరగా ఉండేలా ఉంటాయని సమాచారం. అనిల్ రావిపూడి స్టైల్‌లో మాస్‌, కామెడీ, ఎమోషన్ మిక్స్‌ అయి ఉండే ఈ సినిమా మెగా అభిమానులకు ఒక పండగలాంటి అనుభూతిని ఇవ్వబోతోందని ఫిల్మ్ నగర్ టాక్. ఇంతకుముందు, చిరంజీవి నటించిన “విశ్వంభర” సినిమా షూటింగ్ దాదాపుగా పూర్తయ్యింది. అయితే ఆ చిత్రంలో ఎక్కువగా ఉండే విజువల్ ఎఫెక్ట్స్ పనుల కారణంగా పోస్ట్ ప్రొడక్షన్ కొంత ఆలస్యమవుతోంది. ఆ ప్రాజెక్ట్ కూడా చాలా గ్రాండ్ విజువల్ స్పెక్టకిల్‌గా తెరకెక్కుతుందట.
ఇప్పుడు అనిల్ రావిపూడి సినిమా తర్వాత, చిరంజీవి మరో టాలెంటెడ్ డైరెక్టర్ బాబీ కొల్లి దర్శకత్వంలో నటించబోతున్నారు. బాబీ దర్శకత్వంలో ఇంతకుముందు చిరంజీవి నటించిన “వాల్తేరు వీరయ్య” సూపర్ హిట్‌గా నిలిచిన సంగతి తెలిసిందే. ఆ సినిమాలో చిరంజీవి – రవితేజ కాంబినేషన్ ప్రేక్షకులను ఎంతగా ఆకట్టుకుందో ప్రత్యేకంగా చెప్పనక్కర్లేదు. ఇప్పుడు అదే బాబీ, మరొకసారి చిరంజీవితో కలిసి మరింత పెద్ద స్కేల్‌లో సినిమా చేయబోతున్నారు. ఈ చిత్రంలో కూడా చిరంజీవి ప్రధాన పాత్రలో నటించగా, మరో హీరోకు కూడా స్పెషల్ రోల్ డిజైన్ చేసినట్లు తెలుస్తోంది. ఆ పాత్ర సినిమాలో హైలైట్‌గా నిలవబోతుందట.
అయితే ఈసారి డైరెక్టర్ తెలుగు హీరోను కాకుండా, నేరుగా తమిళ్ ఇండస్ట్రీ నుంచి కార్తీను ఎంపిక చేసినట్లు సమాచారం. కార్తీ పాత్ర సినిమాలో చాలా ఎనర్జిటిక్‌గా, హాస్యంతో, మరియు ఎమోషన్‌తో నిండుగా ఉండబోతోందట. “వాల్తేరు వీరయ్య”లో రవితేజ క్యారెక్టర్‌ ఎంత ఇంపాక్ట్ క్రియేట్ చేశాడో, అలాగే ఈ సినిమాలో కార్తీ పాత్ర కూడా ఆ స్థాయిలో ప్రేక్షకులను ఎంటర్‌టైన్ చేస్తుందన్నది ఇన్‌సైడ్ టాక్.ఇప్పటికే కార్తీ ఎన్నో ఇంటర్వ్యూల్లో “చిరంజీవి గారితో ఒకసారి స్క్రీన్ షేర్ చేయాలని నా జీవితంలో పెద్ద కోరిక” అని చెప్పిన సందర్భాలు ఉన్నాయి. ఆ కల ఇప్పుడు నిజం కాబోతున్నందుకు ఆయన అభిమానులు కూడా ఎంతో సంతోషంగా ఉన్నారు. చిరంజీవి, కార్తీ కాంబినేషన్ స్క్రీన్‌పై ఎలా కనబడుతుందో చూడాలని అందరూ ఆసక్తిగా ఎదురుచూస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి