దివంగ‌త మహానటి సావిత్రి 90వ జయంతి వేడుక‌ల సంద‌ర్భంగా ఆమె కుమార్తె విజయ చాముండేశ్వరి జయంతి వేడుక‌ల గురించి మీడియాకు వెల్ల‌డించారు. “ మా మాతృమూర్తీ, మహానటీ అయిన శ్రీమతి సావిత్రి 90వ జయంతి వేడుకలను హైదరాబాద్ రవీంద్రభారతిలో డిసెంబర్ 1 నుంచి 6 వరకు ‘ సావిత్రి మహోత్సవ్ ' పేరిట నిర్వహిస్తున్నాము. ప్రముఖ కళా సంస్థ “ సంగమం” ఫౌండేషన్ తో కలిసి నిర్వహిస్తున్న ఈ ఉత్సవాల్లో డిసెంబర్ 1 నుంచి 5 వరకు సావిత్రి గారి సినిమాల ప్రదర్శన, పాటల పోటీలు ఉంటాయ‌న్నారు. అలాగే డిసెంబర్ 6న జరిగే సావిత్రి 90 వ జయంతి సభలో ' మహానటి ' చిత్ర దర్శక నిర్మాతలైన నాగ్ అశ్విన్ , ప్రియాంకాదత్ , స్వప్నాదత్ లనూ , 'సావిత్రి క్లాసిక్స్' పుస్తక రచయిత సంజయ్ కిషోర్ , ప్రచురణకర్త బొల్లినేని కృష్ణయ్య లనూ ప్రత్యేకంగా సత్కరిస్తున్నట్టు ఆమె తెలిపారు. ఇక అవ‌నిగ‌డ్డ ఎమ్మెల్యే .. తెలుగు భాషా అభిమాని అయిన మండలి బుద్ధప్రసాద్ గారి అధ్యక్షతన జరిగే ఈ సభ కి భారత పూర్వ ఉపరాష్ట్రపతి వర్యులు శ్రీ వెంకయ్య నాయుడు గారు ముఖ్య అతిథిగా, చలన చిత్ర ప్రముఖులు ఆత్మీయ అతిథులుగా విచ్చేయనున్నారు అని విజయ చాముండేశ్వరి తెలిపారు ..
ఈ వాట్సాప్ నెంబ‌ర్‌కు మీ జిల్లాలో రాజ‌కీయ, సామాజిక సమస్యలు వివ‌రాలు పంపండి . ..
ఏపీ, తెలంగాణ‌లో వివిధ నియోజ‌క‌వ‌ర్గాల్లో నెల‌కొన్న ప్ర‌జ‌ల సమస్యలు, రాజ‌కీయ ప‌ర‌మైన అంశాల‌ను మా దృష్టికి తీసుకు రావాల‌నుకుంటున్నారా ? మీ స‌మ‌స్య లేదా మీరు చెప్పే విషయం ఏదైనా క్లుప్తంగా 9490520108 నెంబ‌రుకు వాట్సాప్ ద్వారా తెలియ‌జేయండి.
నోట్ : వ్య‌క్తిగ‌త సమస్యలు వ‌ద్దు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి