ఆఫ్ఘనిస్తాన్ రాజధాని కాబూల్‌లో తాలిబన్లు ప్రవేశించడంతో సుమారు పది రోజుల నుంచి గందరగోళ వాతావరణం నెలకొంది. తాలిబాన్ల అరాచకం గురించి ప్రపంచమంతా తెలుసు. కానీ కాబూల్ విమానాశ్రయంలో ఆఫ్ఘనిస్తాన్ ప్రజలు అనుభవిస్తున్న హింసకు తాలిబాన్లను చరిత్ర ఎన్నటికీ క్షమించదు. కాబూల్ విమానాశ్రయం చుట్టూ వేల సంఖ్యలో ఇంకా ప్రజలు ఆశగా ఎదురు చూస్తున్నారు. ప్రతి మనిషి నిస్సహాయుడే ఏదేశ విమానంలో అయినా తమను ఎక్కనివ్వక పోతారా అని వారు ఎదురు చూస్తున్నారు. అయితే అక్కడి ఒక వీడియో వైరల్ అవుతోంది. కాబూల్ విమానాశ్రయం వెలుపల ఒక అమ్మాయి నీళ్లు తాగుతున్న వీడియో తాలిబాన్ల దురాగతాలను బట్టబయలు చేసింది. ఇది నిరంకుశత్వానికి కొత్త నిర్వచనాన్ని సృష్టించింది. కాబూల్ విమానాశ్రయం వెలుపల గందరగోళంలో 20 మంది మరణించారు, కానీ కాబూల్ విమానాశ్రయం వెలుపల వేల సంఖ్యలో ప్రజలు మూర్ఛపోతున్నారు.
ఎందుకు మూర్ఛపోతున్నారని మీరు ఎప్పుడైనా ఆలోచిస్తున్నారా? కాబూల్ విమానాశ్రయం వెలుపల విదేశీ సైనికులు వారికీ ఎందుకు నీరు పోస్తున్నారు? . ఒక విదేశీ సైనికుడు ఈ ఆఫ్ఘన్ మహిళకు ఎందుకు నీళ్లు తాగేలా చేశాడు? ఈ ప్రశ్నలకు కారణం నీరు. ఆఫ్ఘన్ లో నీటి ధర ఆకాశాన్ని తాకుతోంది. కాబూల్ విమానాశ్రయం వెలుపల ఒక బాటిల్ వాటర్ $ 40 అంటే దాదాపు 3000 రూపాయలకు అమ్ముడవుతోంది. అదే సమయంలో, ఒక ప్లేట్ అన్నం ధర 100 డాలర్లకు పెరిగింది. అంటే దాదాపు 7500 రూపాయలు. పెద్ద విషయం ఏమిటంటే ఒక బాటిల్ వాటర్ కొనాలా లేక ఒక ప్లేట్ ఫుడ్ తీసుకోవాలా అని వాళ్ళు ఆలోచించుకుంటున్నారు అంటే పరిస్థితి అర్ధం చేసుకోవచ్చు.
నిజానికి ఆఫ్ఘనిస్తాన్ కరెన్సీకి బదులుగా, డాలర్లలో మాత్రమే చెల్లింపులు జరుగుతున్నాయి. ఆహారం మరియు నీటి ధరల పెరుగుదల కారణంగా, ప్రజలు ఆకలితో ఉన్న కడుపులతోనే ఆశగా ఎండలో నిలబడాల్సి వస్తుంది. దీంతో చాలా మంది అపస్మారక స్థితిలో పడిపోతున్నారు. కానీ ప్రజలకు సహాయం చేసే బదులు, తాలిబాన్లు వారిని కొడుతున్నారు. ఈ క్లిష్ట సమయంలో, నాటో దేశాల సైనికులు ఆఫ్ఘనిస్తాన్ సహాయకులుగా మారుతున్నారు. విమానాశ్రయానికి సమీపంలో తాత్కాలిక ఇళ్లు నిర్మించి అక్కడే నివసిస్తున్న ప్రజలకు తమకు వీలైనంతలో వాటర్ బాటిల్స్ ఆహారాన్ని అందిస్తున్నారు. ఇవి కాకుండా, అమెరికన్ సైనికులు ఆఫ్ఘనిస్తాన్ చిన్న పిల్లలకు చిప్స్ ప్యాకెట్లను పంపిణీ చేస్తున్నారు.
