దీంతో ఈ ప‌రిస్థితుల‌ను త‌నకు అనుకూలంగా మార్చుకునేందుకు నారా లోకేష్ మంగ‌ళ‌గిరి చుట్టూ ప్ర‌ద‌క్షిణ‌లు చేస్తున్నారు. అలాగే, గ‌తంలో ఓడిపోయాడ‌నే సానుభూతి, ప్ర‌భుత్వం పై వ్య‌తిరేక‌త, స్థానిక ఎమ్మెల్యే పై నియోజ‌క‌వ‌ర్గం ప్ర‌జ‌ల్లో వ్య‌క్తం అవుతున్న అస‌హ‌నం అన్నీ కలిపి నారా లోకేష్ కు రాబోయే ఎన్నికల్లో ఎంతో కొంత‌మేర లాభం చేకూర్చే అవ‌కాశాలు ఉన్నాయ‌ని రాజ‌కీయ విశ్లేష‌కులు అంచ‌నా వేస్తున్నారు. దీనికి తోడు లోకేష్ కొత్త వ్యూహాల‌తో పాటు.. రైతుల‌కు ప్ర‌స్తుత ఎమ్మెల్యే అపాయింట్‌మెంట్ ఇవ్వ‌కుండా ఇబ్బంది పెట్టిన విష‌యాన్ని ప్ర‌జ‌ల్లోకి బ‌లంగా తీసుకువెళ్తున్నారు. దీంతో పాటు స్థానిక టీడీపీ నేతలు, నాయ‌కుల‌ను స‌మ‌న్వ‌యం చేసుకుంటూ వెళ్తున్న లోకేష్ తీరుతో ఆయ‌న‌కు అనుకూలంగా మారుతున్నాయి.
