ద‌స‌రా సంద‌ర్భంగా శుభ‌వార్త చెప్పారు ఏపీ సీఎం జగన్. రేప‌టి నుంచి వంద శాతం ఆక్యుపెన్సీ రేటుతో న‌డుపుకోవ‌చ్చ‌న్న‌ది ఆయ‌న ఆదేశం. దీంతో ఇప్ప‌టిదాకా యాభై శాతం ఆక్యుపెన్సీతో నెట్టుకువ‌స్తున్న థియేటర్లకు ఈ వార్త కాస్త ఊర‌ట ఇచ్చేదే! అయితే ఇదే స‌మ‌యంలో క‌రోనా స‌మ‌యంలో తాము చెల్లించని క‌రెంటు బిల్లులు ర‌ద్దు చేయాల‌ని ఎప్ప‌టి నుంచో కోరుతున్నామ‌ని, దాని పై ఓ స్ప‌ష్ట‌త ఇవ్వాల‌ని అంటున్నారు. అదేవిధంగా వినోద‌పు ప‌న్ను, వాణిజ్య ప‌న్ను ఇలా కొన్ని ప‌న్నుల‌పై రాయితీలు ఇవ్వాల‌ని కోరుతున్నామ‌ని వాటిని కూడా ప‌ట్టించుకోవాల‌ని వీరంతా అడుగుతున్నారు. ఇవి ఎలా ఉన్నా ఇప్ప‌టికిప్పుడు పెద్ద సినిమాల రాక లేక‌పోయినా ద‌స‌రా సంద‌ర్భంగా జగన్ నిర్ణయం త‌మ‌కొక ఊర‌ట అని చెబుతున్నారు థియేట‌ర్ల య‌జ‌మానులు.
