చంద్ర‌బాబును జ‌గ‌న్ ప‌ట్టించుకోవ‌డం లేదు..
చంద్ర‌బాబును కుప్పం కూడా ప‌ట్టించుకోవ‌డం లేదు..
త‌ప్పు కాదు కానీ ఆయ‌న చేసిన గ‌ర్జ‌న కార‌ణంగా
కుప్పంలో అభివృద్ధి ప‌నులు ఏమ‌యినా మొద‌ల‌వుతుండాయా?
లేదా జ‌గ‌న్ ప‌ట్టించుకోని కార‌ణంగానే చంద్ర‌బాబుకు
రోజురోజుకూ కోపం పెరిగి పోతాండాదా?



అన్న ఎన్టీఆర్ త‌న‌ని తాను సింహంతో పోల్చుకున్నారు.అది త‌ప్పు కాక‌పోయినా ఆ..రోజు ఆ..రాజ‌కీయం చెల్లింది కూడా! తరువాత ఆయ‌న సింహ గ‌ర్జ‌న పేరిట తెగ హ‌డావుడి చేశారు కూడా! అలాంటి గ‌ర్జ‌న‌కు కాలం చెల్లి చాలా కాలం అయింది.చెల్లుబాటులో లేని గ‌ర్జ‌నల కార‌ణంగా రాజకీయ పార్టీల‌కు కొత్త‌గా పేరు రాదు స‌రిక‌దా ఉన్న పేరు కూడా ఊడుతుంది.ప‌రువొచ్చి గంగ‌లో క‌లిసి
పోతుంది.అప్పుడు ఏ వ‌చ్చి బీ పై వాలే,బీ వ‌చ్చి సీ పై వాలే అని హుషారు గీతాలేవీ మ‌న‌సుకు ఆహ్లాదాన్ని ఇవ్వ‌వు.



తాజాగా అల్లుడు చంద్ర‌బాబు మామ మాదిరిగానే కోపం అవుతున్నారు.కావొచ్చు ఆ పాటి హ‌క్కు కూడా ఆయ‌న‌కు ఉంది. 9ప్ల‌స్ 5 మొత్తం 14ఏళ్లు తెలుగు రాష్ట్రాల‌కు చెందిన అధికార పార్టీగా మంచి పేరే ఉంది క‌నుక ఆ పాటి కోపం ఆయ‌న సీనియార్టీ  నుంచి వ‌చ్చింద‌ని అనుకుని న‌వ్వుకోవాలి. అందుకే నిన్న‌టివేళ కుప్పంలో ఆయ‌న కోపం అయినా కూడా ఎవ్వ‌రూ పెద్ద‌గా ప‌ట్టించుకోలేదు.


ఎవ్వ‌రూ అంటే వైసీపీ వాళ్లెవ్వ‌రూ అని అర్థం.ఎందుకంటే పెద్దాయ‌న అంటే వారికి గౌర‌వం మ‌రియు అభిమానం కూడా! ఆ మాట‌కు వ‌స్తే రోడ్డు బాగాలేక‌పోయినా రోడ్ షో నిర్వ‌హించిన చంద్ర‌బాబు ఒక్క‌టంటే ఒక్క మాట కూడా వ‌ర‌ద‌ల్లో కొట్టుకుపోయిన రోడ్ల గురించి ప్ర‌స్తావించిన దాఖ‌లాలు అయితే లేవు.స‌బ్జెక్ట్ టు క‌రెక్ష‌న్ ఒక‌వేళ ఆ విధంగా ఆయ‌న మాట్లాడి ఉంటే వర‌ద‌ల్లో కొట్టుకుపోయిన రోడ్ల వివ‌రాలు,అస్త‌వ్య‌స్తంగా మారిన ర‌హ‌దారుల దారుణ చిత్రాలు ఆయ‌న తెప్పించుకుని చూసి మ‌రోసారి వాటిపై మాట్లాడి ఉంటే ఇంకా
బాగుండేది.ఇవేవీ కాకుండా కుప్పంలో ఉన్న ప్ర‌జా స‌మ‌స్య‌లు కాకుండా పొత్తుల గురించి ల‌వ్ స్టోరీలు వినిపించ‌డ‌మే విచిత్రం.
ఆ విధంగా అల్లుడి రోడ్ షో లో చేసిన గ‌ర్జ‌న‌ను జ‌గ‌న్ ప‌ట్టించుకోక‌పోవ‌డంలో వింత లేదు మ‌రియు విడ్డూరం కూడా లేదు.

మరింత సమాచారం తెలుసుకోండి:

tdp