ఇటీవలే ఆఫ్ఘనిస్తాన్ తో జరిగిన మ్యాచ్ లో విరాట్ కోహ్లీ సెంచరీ సాధించడం ద్వారా తన కెరియర్లో 71వ సెంచరీ సాధించాడు అన్న విషయం తెలిసిందే. ఈ క్రమంలోనే టి20 కెరీర్ లో మొదటి సెంచరీ నమోదు చేశాడు విరాట్ కోహ్లీ. విరాట్ కోహ్లీ తన కెరియర్లో 71 సెంచరీలు చేయడానికి 522 ఇన్నింగ్సులో ఆడాడు అని చెప్పాలి. అయితే కోహ్లీ 71 సెంచరీలు సాధించిన నేపథ్యంలో అంతర్జాతీయ క్రికెట్ లో ఎవరు ఎక్కువ సెంచరీలు సాధించారు అనేది ఆసక్తికరంగా మారింది. ఒకసారి ఆ లిస్టు చూసుకుంటే ప్రస్తుత క్రికెట్ లో ఎవరు కూడా విరాట్ కోహ్లీ కి దరిదాపుల్లో లేరు అని చెప్పాలి.
522 ఇన్నింగ్సులో 71 సెంచరీలతో విరాట్ కోహ్లీ షాక్ లో కొనసాగుతున్నాడు. 405 ఇన్నింగ్సులో జో రూట్ 44 సెంచరీలు చేసి రెండవ స్థానంలో ఉండడం గమనార్హం. 403 ఇన్నింగ్సులో డేవిడ్ వార్నర్ 42 సెంచరీలతో మూడవ స్థానంలో ఉన్నాడు. 431 ఇన్నింగ్సులో నలభై ఒక్క సెంచరీలు చేసిన రోహిత్ శర్మ నాలుగో స్థానంలో ఉన్నాడు. ఇక 328 ఇన్నింగ్స్ లో 40 సెంచరీలు చేసిన ఆస్ట్రేలియా ఆటగాడు స్టీవ్ స్మిత్ 5వ స్థానంలో కొనసాగుతుండడం గమనార్హం. మూడు ఫార్మాట్లలో కలిపి ఎక్కువ సెంచరీలు చేసిన ఆటగాళ్లలో విరాట్ కోహ్లీ టాప్ లో ఉండగా టాక్ ఫైవ్ లిస్ట్ ఈ విధంగా ఉంది.
