ఒకసారి కూడా బౌలింగ్ వేసేందుకు ఛాన్స్ ఇవ్వలేదు. కానీ ఇటీవలే న్యూజిలాండ్ తో జరిగిన రెండవ టి20 లో మాత్రం పాండ్యా ఏకంగా దీపక్ హుడా చేతికి బంతిని అప్పగించాడు. దీంతో అతను వచ్చిన అవకాశాన్ని సద్వినియోగం చేసుకొని అద్భుతం చేసి చూపించాడు. 2.5 ఓవర్లలో కేవలం 10 పరుగులు మాత్రమే ఇచ్చి కీలకమైన నాలుగు వికెట్లు పడగొట్టి న్యూజిలాండ్ ను దెబ్బ కొట్టాడు. ఈ క్రమంలోనే హార్దిక్ పాండ్యా తీసుకున్న నిర్ణయం ముందుగా అందరినీ ఆశ్చర్యపరిచినప్పటికీ ఆ తర్వాత వచ్చిన ఫలితం చూసి అందరూ అవాక్కయ్యారు. ఇక అతనిపై ప్రశంసలు కురిపిస్తున్నారు.
ఈ క్రమంలోనే ఇలా అద్భుతం నిర్ణయం తీసుకున్న హార్దిక్ పాండ్యా కెప్టెన్సీ పై మాజీ ఆటగాళ్లు పార్థివ్ పటేల్ ప్రశంసల కురిపించాడు. బౌలింగ్ చేయగల సామర్థ్యం ఉన్న ఆటగాడిని గుర్తించడం అంతర్జాతీయ క్రికెట్లో ఎంతో ముఖ్యం. అలాంటి వారికి బౌలింగ్ ఇవ్వాలి. దీపక్ హుడా విషయంలో హార్థిక్ పాండ్యా తీసుకున్న నిర్ణయం ఎంతో తెలివైనది. బ్యాటింగ్ తో పాటు బౌలింగ్ చేయగల సత్తా దీపక్ హుడాకు ఉంది. అతనికి ప్రపంచ కప్ లో కూడా చోటు దక్కింది. అయితే అక్కడ ఆడిన ఒక్క గేమ్ లోను బౌలింగ్ చేయలేదు. అయితే అతనికి పూర్తి ఓవర్లు కూడా ఇవ్వాల్సిన అవసరం లేదు. అతని సత్తా నిరూపించుకునేందుకు ఒక్క ఓవర్ల్లో అయినా ఛాన్స్ ఇవ్వాలి అంటూ పార్థివ్ పటేల్ చెప్పుకొచ్చాడు.