ఇక వీళ్ల తర్వాత వచ్చిన జేమ్స్ విన్స్ 26, జోర్దాన సిల్క్ 19 పరుగులు రాణించారు. అయితే ఈ నలుగురు మినహా మిగతా బ్యాట్స్మెన్లు పెద్దగా రాణించలేదు. కెప్టెన్ మోజెస్ హెన్రిక్స్ (1), డాన్ క్రిస్టియన్ (7), హేడెన్ కెర్ (1), బెన్ డ్వార్షూయిస్ (6 నాటౌట్), షాన్ ఆబాట్ (1), జాక్సన్ బర్డ్ (13 నాటౌట్) పేలవ ప్రదర్శన చేశారు. దీంతో సిడ్నీ సిక్సర్స్ జట్టు నిర్ణీత 20 ఓవర్లలో 8 వికెట్ల నష్టానికి 149 పరుగులు అతి కష్టం మీద చేయగలిగింది. ఆ తర్వాత స్వల్ప లక్ష్యంతో బరిలోకి దిగిన మెల్బోర్న్ రెన గేట్స్ జట్టు ఎంతో అలవోకక విజయం సాధిస్తుందని అందరూ అనుకున్నారు.
కానీ ఆ జట్టుకు శుభారంభం దక్కలేదు అని చెప్పాలి. ఓపెనర్ మార్టిన్ గాప్తిల్ పరుగుల ఖాతా తెరవకుండానే పేవిలియన్ చేరాడు. మరో ఓపెనర్ నిక్ మాడిసన్ కేవలం ఒకే ఒక పరుగులు చేసి ఘోరంగా విఫలమయ్యాడు అని చెప్పాలి. ఆ తర్వాత ఆరోన్ ఫించ్ (36), షాన్ మార్ష్ (28) జట్టును గెలిపించేందుకు పోరాటం సాధించారు. మిగతా బ్యాట్స్మెన్లు అందరూ చేతులెత్తేసారు. జొనాథన్ వెల్స్ (1), పీటర్ హాండ్స్కోంబ్ (3), అకీల్ హొస్సేన్ (3), కేన్ రిచర్డ్సన్ (8), ముజీబ్ ఉర్ రెహ్మాన్ (0) తీవ్రంగా నిరాశపరిచారు. చివర్లో విల్ సదర్ల్యాండ్ (13), టామ్ రాజర్స్ (14 నాటౌట్) పోరాడిన ఫలితం లేకుండా పోయింది. దీంతో ఆ జట్టు 19 ఓవర్లలో 115 పరుగులకే ఆలౌట్ అయింది.