ఈ క్రమంలోనే బీసీసీఐ నిర్వహించే ఇండియన్ ప్రీమియర్ లీగ్ క్రికెటర్లకు ఎంతలా ఉపయోగపడుతుంది అన్న విషయాన్ని ఇటీవల డివిలియర్స్ ఒక ఇంటర్వ్యూలో చెప్పుకొచ్చాడు. తనతో పాటు ఎంతోమంది ఇతర క్రికెటర్ల జీవితాలను కూడా ఐపీఎల్ మార్చేసింది అన్న విషయాన్ని చెప్పుకొచ్చాడు ఏబిడి. ఐపీఎల్ ప్రారంభ రోజుల్లో ఏకంగా ఆస్ట్రేలియా దిగ్గజ ఆటగాడు గ్లెన్ మెక్ గ్రాత్ తో డ్రెస్సింగ్ రూమ్ పంచుకోవడం అనేది నా జీవితంలో ఎప్పటికీ మర్చిపోలేని విషయం. నాకే కాదు ఎంతో మంది ఇతర ఆటగాళ్లకు కూడా అది ఒక గొప్ప సందర్భం.
భారత్లో ప్రజలు క్రికెట్ పై ఎక్కువ మక్కువ చూపుతున్నారు. స్వదేశీ జట్టుతో పాటు ఇతర జట్లలోని ఆటగాళ్లకి కూడా మద్దతు ప్రకటిస్తూ ఉంటారు. ఇక నాకు ప్రత్యేకంగా అనిపించే విషయం ఒక్కటే.. నేను కలుసుకున్న వ్యక్తులు. ముఖ్యంగా గ్లెన్ మెక్ గ్రాఫ్ తో కొంత సమయం గడిపాను. అతని డ్రెస్సింగ్ రూమ్ లో బీరు తాగాను అంటూ ఏబీడీవిలియర్స్ చెప్పుకొచ్చాడు. కాగా ఇద్దరు కూడా ఐపీఎల్ మొదటి రెండు సీజన్లో ఢిల్లీ డేర్ డెవిల్స్ తరఫున ప్రాతినిధ్యం వహించారు. ఐపీఎల్ నుంచి తప్పకున్న ఏబి డివిలియర్స్ మళ్ళీ రీఎంట్రీ ఇస్తే బాగుండని అభిమానులు కోరుకుంటున్నారు.
