టీమిండియా మాజీ కెప్టెన్ మహేంద్రసింగ్ ధోని బయోపిక్ ఇలాగే వచ్చి సూపర్ హిట్ సాధించింది. సచిన్ టెండూల్కర్ బయోపిక్ కూడా ప్రేక్షకుల ఆదరణ సొంతం చేసుకుంది అని చెప్పాలి. అదే సమయంలో రంజీ క్రికెటర్ ప్రవీణ్ తాంబే ఇక వరల్డ్ కప్ గెలిపించిన కెప్టెన్గా కొనసాగుతున్న కపిల్ దేవ్ జీవిత కథ ఆధారంగా కూడా ఇప్పటివరకు సినిమాలు వచ్చాయ్. ఇక ఇప్పుడు భారత క్రికెట్ చరిత్రలో లెజెండరీ క్రికెటర్ గా కొనసాగుతున్న మాజీ బీసీసీఐ అధ్యక్షుడు సౌరబ్ గంగూలీ బయోపిక్ కూడా తెరకెక్కబోతున్నట్లు ఒక వార్త ప్రస్తుతం సోషల్ మీడియాలో చక్కర్లు కొడుతుంది అని చెప్పాలి.
ఈ క్రమంలోనే ఈ సినిమాలో బాలీవుడ్ హీరో రణబీర్ కపూర్ గంగూలీ పాత్రలో నటించబోతున్నట్లు తెలుస్తోంది. అయితే గంగూలికి అత్యంత సన్నిహితంగా ఉండే ఒక వ్యక్తి ఇక ఈ విషయాన్ని ధ్రువీకరించినట్లు తెలుస్తుంది. ఈ క్రమంలోనే మరికొన్ని రోజుల్లో హీరో రణబీర్ కపూర్ తో పాటు దర్శకుడు కోల్కతా వెళ్లి క్యాబ్, ఈడెన్ గార్డెన్స్ మైదానం, గంగూలి ఇంటిని సందర్శించబోతున్నారట. అంతేకాదు ఇక గంగూలి కెరీర్ లో జరిగిన ఎన్నో ఆసక్తికర విషయాలను కూడా తెలుసుకొని ఇక కథలో చేర్చబోతున్నారు అన్నది తెలుస్తూ ఉంది. ఇక ఈ బయోపిక్ కోసం అభిమానులందరూ ఎంతో ఆశగా ఎదురు చూస్తూ ఉన్నారు.
