ఇక మూడో టెస్ట్ మ్యాచ్ లో రెండు ఇన్నింగ్స్ లో కూడా అటు ఇండియా చెప్పుకోదగ్గ ప్రదర్శన చేయలేదు. ఈ క్రమంలోనే పటిష్టమైన ఇంగ్లాండు ముందు కేవలం స్వల్ప టార్గెట్ మాత్రమే ఉంది అని చెప్పాలి. దీంతో ఇక నేడు జరగబోయే ఇంగ్లాండ్ రెండో ఇన్నింగ్స్ లో జట్టును గెలిపించే భారమంతా కూడా బౌలర్ల పైనే ఉంది. ఏం జరగబోతుంది అనేది హాట్ టాపిక్ గా మారిపోయింది. అయితే ఇక టీమిండియా బౌలింగ్ విభాగాన్ని పేక మేడలా కూల్చింది ఆస్ట్రేలియాలో స్టార్ స్పిన్నర్గా కొనసాగుతున్న నాథన్ లియోన్ అని చెప్పాలి. ఏకంగా మూడో టెస్ట్ రెండో ఇన్నింగ్స్ లో ఎనిమిది వికెట్లతో సత్తా చాటాడు. ఈ క్రమంలోనే సరికొత్త రికార్డును సృష్టించాడు నాథన్ లియోన్.
టీమ్ ఇండియా పై అత్యధిక సార్లు ఐదు వికెట్లు తీసిన బౌలర్గా నాథన్ లియోన్ అరుదైన రికార్డును ఖాతాలో వేసుకున్నాడు అన్న విషయం తెలిసిందే. ఇప్పటివరకు ఈ స్టార్ స్పిన్నర్ భారత జట్టుపై ఐదు వికెట్ల ప్రదర్శన చేయడం ఇది 9వ సారి కావడం గమనార్హం. అయితే శ్రీలంక స్పిన్నర్ మురళీధరన్ భారత్ పై ఎనిమిది సార్లు 5 వికెట్ల మార్కు అందుకున్నాడు. ఇప్పటివరకు ఇదే అత్యధికంగా ఉండగా.. ఇక ఇప్పుడు మూడో టెస్ట్ లో 8 వికెట్లు తీసి ఏకంగా తొమ్మిది సార్లు 5 వికెట్ల మార్క్ అందుకున్న ప్లేయర్గా రికార్డర్ సృష్టించాడు లియోన్.
