అనిల్ కుంబ్లే కోచ్ పదవికి రాజీనామా చేసిన తర్వాత ఇలా రవి శాస్త్రి టీమిండియా హెడ్ కోచ్గా సేవలు అందించారు అన్న విషయం తెలిసిందే. దాదాపు ఏడేళ్లపాటు ఇలా కోచ్ గా వ్యవహరించారు. అయితే రవి శాస్త్రి కోచ్గా ఉన్న సమయంలో అటూ టీమ్ ఇండియా ఎన్నో అద్భుతమైన విజయాలను సాధించింది. విరాట్- రవి శాస్త్రి ద్వయం ఎంతో విజయవంతంగా కొనసాగింది. అయితే రవి శాస్త్రి పదవీకాలం ముగిసిన తర్వాత మరోసారి హెడ్ కోచ్ బాధ్యతలు చేపట్టాలి అనుకున్నప్పటికీ బీసీసీఐ పెద్దలు అందుకు అంగీకరించలేదు.
ఇక రవి శాస్త్రి కోచ్గా తప్పుకున్నాడో లేదో విరాట్ కోహ్లీ కూడా కెప్టెన్సీకి గుడ్ బై చెప్పడం జరిగింది. ఇలా భారత క్రికెట్ లో అనూహ్యమైన మార్పులు జరిగాయి. అయితే ఇటీవలే తాను కోచ్గా ఉన్నప్పుడు జరిగిన కొన్ని విషయాలను ఇటీవల అభిమానులతో పంచుకున్నాడు రవి శాస్త్రి. తాను భారత జట్టుకు హెడ్ కోచ్గా సేవలందించిన సమయంలో తనను ఒక్కసారి కూడా సెలక్షన్ మీటింగ్ కు పిలవలేదు అంటూ తెలిపాడు. ఏడేళ్ల పాటు జట్టులో ఉన్న నేను ఎప్పుడు సెలక్షన్ మీటింగ్ కి హాజరు కాలేదు. ఎవరూ కూడా ఆహ్వానించలేదు. కానీ భవిష్యత్తులో కోచ్ లను కూడా మీటింగ్కి పిలిస్తే బాగుంటుంది అంటూ అభిప్రాయపడ్డాడు.
