అదే సమయంలో ఇక చెన్నై సూపర్ కింగ్స్ జట్టులో ఉన్న ఆటగాళ్లు అందరూ కూడా ఆల్ రౌండ్ ప్రదర్శనతో ఆకట్టుకుంటున్నారు. అయితే ప్రస్తుతం చెన్నై సూపర్ కింగ్స్ జట్టు ఢిల్లీ క్యాపిటల్స్ టీం తో మ్యాచ్ ఆడుతుంది అన్న విషయం తెలిసిందే. ఈ మ్యాచ్ లో భాగంగా మరోసారి చెన్నై సూపర్ కింగ్స్ ఓపెనర్లు రుతురాజు గైక్వాడ్, డేవన్ కాన్వేలు రెచ్చిపోయారు. ఢిల్లీ బౌలర్ల పై వీర విహారం చేశారు. భారీ భాగస్వామ్యాన్ని నమోదు చేశారు అని చెప్పాలి. ఈ క్రమంలోనే చెన్నై సూపర్ కింగ్స్20 ఓవర్లలో మూడు వికెట్ల నష్టానికి 223 పరుగులు చేసింది.
అయితే ఇక ఈ భారీ స్కోర్ చేయడంలో కీలకపాత్ర వహించిన ఓపెనర్లు ఋతురాజు కైక్వాడ్, డేవన్ కాన్వేలు ఇక ఐపీఎల్ హిస్టరీలో ఒక అరుదైన రికార్డు సృష్టించారు. ఈ ఐపీఎల్ సీజన్లో చెన్నై సూపర్ కింగ్స్ తరఫున అత్యధిక ఓపెనింగ్ భాగస్వామ్యాన్ని నమోదు చేశారు. ఏకంగా 141 పరుగులు చేసింది ఈ జోడి. ఓవరాల్ గా ఈ సీజన్లో ఇది నాలుగు అత్యధిక ఓపెనింగ్ భాగస్వామ్యం అని చెప్పాలి. కోహ్లీ, డూప్లిసిస్ సన్రైజర్స్ పై 172, ముంబై ఇండియన్స్ పై 148 పరుగుల భాగస్వామ్యం నమోదు చేయగా సాహ, గీల్ జోడి లక్నోపై 142 పరుగుల భాగస్వామ్యం నమోదు చేశారు.
