అయితే అప్పటికే జరిగిన రెండు వన్ డే లలోనూ ఘోర ఓటమిని చవి చూసిన నెదర్లాండ్ ఈ మ్యాచ్ లో ఎలాగైనా గెలవాలని అనుకుంది. అందుకు తగినట్లే ఆడినా చివర్లో స్పిన్నర్లను సరిగా అంచనా వేయలేక కేవలం 70 పరుగుల లోపు 10 వికెట్లు కోల్పోయి హ్యాట్రిక్ పరాజయాలను మూటగట్టుకుంది. ఇక ఈ మ్యాచ్ మొదటి ఇన్నింగ్స్ లో ఆఫ్గనిస్తాన్ బ్యాటింగ్ చేస్తున్న సమయంలో నెదర్లాండ్ పేసర్ వివియన్ కింగ్ మా బాల్ టాంపరింగ్ కు పాల్పడినట్లు ఐసీసీ తెలిపింది. సరిగ్గా ఆఫ్గనిస్తాన్ ఇన్నింగ్స్ లో 31 వ ఓవర్ లో కింగ్ మా బాల్ ను తన గోర్లతో గీకడం గమనించిన మ్యాచ్ రిఫరీ అతనిపై నాలుగు మ్యాచ్ ల నిషేధాన్ని విధించాడు. ఇప్పటి వరకు ఇలా చేసిన ఎంతో మంది క్రికెటర్లు శిక్షలను అనుభవించారు.
దీనితో వివియన్ కింగ్ మా ను అందరూ విమర్శిస్తున్నారు, మ్యాచ్ గెలవడానికి ఇలా కూడా చేస్తారా అంటూ దుమ్మెత్తిపోస్తున్నారు. ఈ రకంగా ఐసీసీ నెదర్లాండ్ క్రికెటర్ పై నియమావళి ఉల్లంఘన కింద కొరడా జులిపించింది. ఇకపై ఏ క్రికెటర్ ఇలా చేయకుండా ఉండాలంటే ఇలాంటి కఠిన శిక్షలు అమలు చేయాల్సిందే అంటూ నెటిజన్లు అంటున్నారు.
