ఎవరూ ఊహించని విధంగా ఏకంగా కోల్కతా నైట్రైడర్స్ జట్టు ఫైనల్ వరకు వెళ్లి చివరికి అడుగు దూరంలో బోల్తాపడి రన్నరప్గా నిలిచిన విషయం తెలిసిందే. అయితే కోల్కతా జట్టుకు ప్రాతినిధ్యం వహించిన వెంకటేష్ అయ్యర్ దూకుడైన ఆటతీరు కనబరిచి అందరి దృష్టిని ఆకర్షించాడు. 10 మ్యాచ్ లలో 128 స్ట్రైక్ రేటుతో 370 పరుగులు చేశాడు ఇందులో నాలుగు హాఫ్ సెంచరీలు.. మూడు వికెట్లు కూడా ఉండడం గమనార్హం.
దీంతో అతనిపై ఎంతో నమ్మకంతో 8 కోట్లకు రిటైర్డ్ చేసుకుంది కోల్కతా నైట్రైడర్స్ జట్టు. కానీ ఈ సారి మాత్రం వెంకటేష్ అయ్యర్ ఘోరమైన ప్రదర్శన కనబరుస్తున్నాడు. ఇప్పటివరకు 9 మ్యాచ్లు ఆడిన వెంకటేష్ అయ్యర్ 132 పరుగులు మాత్రమే చేయగలిగాడు. ముంబై ఇండియన్స్ పై చేసిన 50 పరుగులు మినహాయిస్తే మిగతా ఎనిమిది మ్యాచ్లలో 82 పరుగులు మాత్రమే చేసి తీవ్రంగా నిరాశ పరిచాడు. ఇలా ఒకప్పుడు హీరోగా పేరు సంపాదించుకున్న వెంకటేష్ అయ్యర్ ఇప్పుడు కోల్కతా జట్టుకు విలన్ గా మారిపోయాడు అని చెప్పాలి. బ్యాటింగ్ లో మాత్రమే కాదు అటు బౌలింగ్ లో కూడా పెద్దగా రాణించలేక పోతున్నాడు...
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి