ఒకవైపు కింగ్ కోహ్లీ.. తన కెరీర్ లో అత్యంత గడ్డు కాలాన్ని ఎదుర్కొన్నాడు. పరుగులు చేయడానికి తంటాలు పడ్డాడు, విమర్శల వర్షం కురిసింది, సోషల్ మీడియాలో ట్రోల్స్ దాడి తీవ్రమైంది. సరిగ్గా ఇలాంటి సమయంలో చాలామంది చేతులెత్తేస్తారు. కానీ, విరాట్ భార్య అనుష్క శర్మ మాత్రం అలా చేయలేదు. అందరిలా విమర్శించడం, దూరంగా జరగడం కాకుండా, విరాట్‌కు ఒక బలమైన శక్తిలా అండగా నిలిచింది.
కేవలం మానసిక స్థైర్యాన్ని ఇవ్వడమే కాదు, అతన్ని ఆధ్యాత్మిక మార్గం వైపు నడిపించి, కోల్పోయిన ఆత్మవిశ్వాసాన్ని తిరిగి పొందేలా చేయడంలో కీలక పాత్ర పోషించింది. కష్టకాలంలో తోడు నిలవడం అంటే ఇదేనని అనుష్క నిరూపించింది. ఫలితం.. కింగ్ కోహ్లీ తిరిగి తన సింహాసనాన్ని అధిష్టించాడు, పరుగుల వరద పారించాడు. ఒక మగాడి విజయం వెనుక స్త్రీ ప్రోత్సాహం ఎంత శక్తివంతమైనదో వీరిద్దరి బంధం మరోసారి ప్రపంచానికి చాటిచెప్పింది.
అయితే, ఇదే క్రికెట్ ప్రపంచంలో మరో కోణం చూస్తే మాత్రం గుండె తరుక్కుపోతుంది. కొందరు స్టార్ ఆటగాళ్ల కథ దీనికి పూర్తి భిన్నంగా సాగింది. ఉదాహరణకు, డ్యాషింగ్ ఓపెనర్ శిఖర్ ధావన్ కెరీర్ గ్రాఫ్ కిందకి పడుతున్న సమయంలోనే, అతని భార్య అయేషా ముఖర్జీతో బంధం బీటలు వారింది. చివరికి అది విడాకుల వరకు వెళ్లింది. కోర్టు సైతం అయేషా వల్ల ధావన్ 'మానసిక వేదన' అనుభవించాడని నిర్ధారించి విడాకులు మంజూరు చేసిందంటే పరిస్థితి అర్థం చేసుకోవచ్చు.
ఇదే తరహా కథలు ఆల్-రౌండర్ హార్దిక్ పాండ్యా, స్పిన్నర్ యజ్వేంద్ర చాహల్ జీవితాల్లోనూ వినిపించాయి. వారి ఆటతీరుపై విమర్శలు వెల్లువెత్తినప్పుడు, కెరీర్ సంక్షోభంలో ఉన్నప్పుడు వారి జీవిత భాగస్వాములు దూరమయ్యారనే వార్తలు గుప్పుమన్నాయి. సంక్షోభ సమయాల్లో చేయూతనివ్వాల్సింది పోయి, బంధాలు తెగిపోవడం అభిమానులను తీవ్రంగా నిరాశపరిచింది.
దీన్నిబట్టి గెలుపులో భాగస్వాములు అవ్వడం తేలికే. కానీ, ఓటమిలో, కష్టకాలంలో వెన్నంటి నిలిచేవారే నిజమైన పార్ట్‌నర్స్‌. అనుష్క శర్మ.. విరాట్ కోహ్లీ పాలిట అలాంటి ఓ అదృశ్య శక్తిగా నిలిచింది. అందుకే ఆమె కేవలం స్టార్ హీరోయిన్ గానే కాదు, కింగ్ కోహ్లీకి వెన్నుదన్నుగా నిలిచిన 'క్వీన్'గా అభిమానుల గుండెల్లో చిరస్థాయిగా నిలిచిపోయింది. కష్టకాలంలో చేయి వదిలేయడం కాకుండా, చేయూతనిచ్చి నడిపించడమే నిజమైన బంధానికి నిదర్శనం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి