ఇంతకీ ఈ రైలు టికెట్ ధర ఎంతో తెలుసా.. అక్షరాలా 19 లక్షల రూపాయలు. ఏంటి రైలు టికెట్ 19 లక్షల.. అదేమైనా విమానమా అంత టికెట్ ధర ఉండడానికి అని ప్రతి ఒక్కరికి అనిపిస్తుంది కదా.. ఈ టికెట్ ధర నిజంగానే ఉంది. అది కూడా ఎక్కడో కాదు మన ఇండియాలోనే. ఇండియన్ రైల్వే క్యాటరింగ్ అండ్ టూరిజం కార్పొరేషన్ ద్వారా నిర్వహించబడుతున్న మహారాజాస్ ఎక్స్ప్రెస్ ప్రయాణికులకు లగ్జరీ రైలు ప్రయాణ అనుభవాన్ని అందిస్తుంది అని చెప్పాలి.
లగ్జరీ అంటే కనీసం ఊహకు అందని రీతిలో ఉంటుంది అని చెప్పాలి. ఏదో ఓ చిన్న లగ్జరీ విల్లా లాంటి భోగి ఉంటుంది అనుకుంటే మాత్రం పొరపాటే. ఎందుకంటే 19 లక్షల రూపాయల విలువైన టికెట్ ధరకు తగ్గట్లుగానే ఇక మహారాజాస్ ఎక్స్ ప్రెస్ ప్రయాణం కూడా ఉంటుంది అని చెప్పాలి. ఇక ఈ టికెట్ ధరకు తగ్గట్లే అందులో ఉన్న పూర్తి ఫెసిలిటీస్ కూడా ఉంటాయి. ఒక కోచ్ ను లగ్జరీ విల్లాలాగా తీర్చిదిద్దారు. దీంట్లో నిద్ర వస్తే పడుకోవడానికి రెండు బెడ్ రూమ్లు. ఒక లివింగ్ రూమ్. ఏ క్లాస్ వాష్ రూమ్ తో పాటు అన్ని లగ్జరీ గానే ఉంటాయి. టీవీ, డివిడి ప్లేయర్, వైఫై, ఇంటర్నెట్ ఇలా చెప్పుకుంటూ పోతే.. ఏది కావాలన్నా ఈ విల్లాలోనే దొరికేస్తుంది. ఈ విల్లాకు సంబంధించిన వీడియో ప్రస్తుతం సోషల్ మీడియా వైరల్ గా మారింది.
