దక్షిణ కోస్తా జిల్లాల్లోనూ తేలికపాటి వానలతో పాటు కొన్ని ప్రాంతాల్లో ఉరుములు, మెరుపులతో కూడిన జల్లులు పడతాయని అంచనా. రాయలసీమ జిల్లాల్లో కూడా మోస్తరు వర్షాలు పడే అవకాశం ఉందని పేర్కొంది. గంటకు 30–40 కిలోమీటర్ల వేగంతో బలమైన ఈదురుగాలులు వీచే అవకాశం ఉన్నందున, ప్రజలు అప్రమత్తంగా ఉండాలని హెచ్చరించింది. తెలంగాణలో మళ్లీ భారీ వర్షాల సూచన .. హైదరాబాద్ వాతావరణ కేంద్రం కూడా ఇదే సిగ్నల్ ఇచ్చింది. రేపు అండమాన్ ప్రాంతంలో అల్పపీడనం ఏర్పడితే, దాని ప్రభావం తెలంగాణపై కనిపిస్తుందని తెలిపింది. ముఖ్యంగా ఖమ్మం, నల్లగొండ, మహబూబ్ నగర్, వరంగల్ జిల్లాల్లో భారీ వర్షాలు పడే అవకాశం ఉందని హెచ్చరిక ఇచ్చింది. ఉరుములు, మెరుపులు, బలమైన గాలులు తీరప్రాంతాల నుంచే కాకుండా అంతర్గత జిల్లాల్లో కూడా ప్రభావం చూపే అవకాశముందని తెలిపింది.
రైతులకు హెచ్చరిక, జాగ్రత్తలు అవసరం .. వాతావరణ శాఖ తాజా అప్‌డేట్‌ను దృష్టిలో ఉంచుకుని వ్యవసాయ శాఖ రైతులకు సూచనలు జారీ చేసింది. పంటలు నీటిలో మునిగిపోకుండా ముందస్తు చర్యలు తీసుకోవాలని, కోతకు సిద్ధమైన పంటలను రక్షించుకోవాలని సలహా ఇచ్చింది. పశువులను సురక్షిత ప్రదేశాల్లో ఉంచాలని, ఎలక్ట్రిక్ తీగల దగ్గర ఉండకూడదని సూచించింది. ప్రజలకు హెచ్చరిక .. వాతావరణ శాఖ ప్రకారం, అల్పపీడనం బలపడితే అది మరింత తీవ్రమైన వాతావరణ పరిస్థితులకు దారితీసే అవకాశం ఉంది. కాబట్టి రాబోయే మూడు రోజులు ప్రజలు బయటకు వెళ్లే ముందు వాతావరణ అప్‌డేట్‌లు తప్పనిసరిగా పరిశీలించాలని సూచించింది. తెలుగు రాష్ట్రాలు మరోసారి వర్షాల బీభత్సానికి సిద్ధమవుతున్నాయి. మొంథా ప్రభావం తగ్గకముందే కొత్త అల్పపీడనం సవాల్ విసరడం ఆందోళన కలిగిస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి