నాకు అమ్మాయి దొరకడం లేదు.. ఒక మంచి అమ్మాయిని చూసి పెళ్లి చేయండి అంటూ గతంలో కొంతమంది యువకులు ఏకంగా ప్రజా ప్రతినిధులకు లేఖలు పంపించడం సోషల్ మీడియాలో సంచులనంగా మారిపోయింది అని చెప్పాలి. అయితే వారికి వీరికి చెబితే తన సమస్య తీరదు అనుకున్నాడో ఏమో.. ఇక్కడ ఒక యువకుడు మాత్రం ఏకంగా రాష్ట్ర ముఖ్యమంత్రి మందే ఒక వింత డిమాండ్ పెట్టాడు. ఇది కాస్త ప్రస్తుతం సోషల్ మీడియాలో హాట్ టాపిక్ గా మారిపోయింది అని చెప్పాలి.
ఇంతకీ ముఖ్యమంత్రి ముందు యువకుడు పెట్టిన విజ్ఞప్తి ఏంటో తెలుసా.. తనకు ఏకంగా ఒక అమ్మాయి కావాలని. వినడానికే షాకింగ్ గా ఉంది కదా.. కానీ రాజస్థాన్లో ఇది నిజంగానే జరిగింది. సీఎం సహాయక శిబిరానికి ఒక వింత విజ్ఞప్తి వచ్చింది. తనకు పెళ్లికూతురును వెతికి పెట్టాలని దౌసా జిల్లా గంగాద్వాడికి చెందిన మహ్వార్ అనే 40 ఏళ్ల వ్యక్తి సీఎం సహాయ శిబిరానికి లేఖ రాశాడు. 40 ఏళ్ళు వచ్చిన ఇంకా పెళ్లి కాలేదు. ఇంట్లో ఒంటరిగా ఉంటున్న అమ్మాయిని వెతికి పెడితే పెళ్లి చేసుకుంటా.. అమ్మాయి సన్నగా 30 నుంచి 40 ఏళ్ల మధ్యలో వయస్సు కలిగి ఉండాలి.. నాయకత్వ లక్షణాలు కలిగి ఉండాలి.. త్వరగా ఇల్లాలని అందించండి అంటూ లేఖలో రాశాడు సదరు వ్యక్తి.
