పొంగులేటిని 2019 లో టీఆర్ఎస్ పక్కన పెట్టింది. దీంతో అప్పటి నుంచి సైలెంట్ గా ఉన్న పొంగులేటి ప్రస్తుతం యాక్టివ్ గా తన నియోజకవర్గంలో తిరుగుతున్నారు. ఖమ్మంలో కాంగ్రెస్ లో చేరాదామంటే రేణుకా చౌదరి ఆదిపత్యం చెలాయించుకునేవారు. అందులో చేరే పరిస్థితి లేదు. భారతీయ జనతా పార్టీలో చేరతారని ప్రచారం జరిగినా అది కాలేదు. వైఎస్ షర్మిల పెట్టినా పార్టీలో చేరతారని కూడా అందరూ అనుకున్నారు అది జరగలేదు.
అయితే ఈ మధ్య ఏపీ సీఎం జగన్ ను పొంగులేటి కలిశారు. వైరా, అశ్వారావుపేట, ఖమ్మం, పాలేరు, సత్తుపల్లి, ఇల్లందులో తనకు బాగా పట్టు ఉందని ఆయనకు తెలిపారు. వైరా నుంచి బానోత్ విజయను, అశ్వరావుపేటలో జాడి ఆది నారాయణ రెడ్డిని పొంగులేటి ప్రకటించేశారు. నేను ఏ పార్టీలో ఉన్నా సరే వీరు ఆ రెండు నియోజకవర్గాల్లో ఎమ్మెల్యేగా పోటీ చేస్తారని అన్నారు.
ఇప్పుడు ఈ రెండు నియోజవర్గాల ఎమ్మెల్యే టికెట్లు ఎవరికి వస్తాయో జగన్ మద్దతు ఆ పార్టీకి ఇస్తున్నట్లు లెక్క. బీజేపీ తరఫున పోటీ చేస్తే జగన్ బీజేపీకి అనుకూలంగా ఉన్నట్లు, వైఎస్సాఆర్ టీపీ తరఫున పోటీ చేస్తే షర్మిలకు జగన్ అండ ఉన్నట్లు తేలిపోతుంది. అదే బీఆర్ఎస్ వీరికి టికెట్లు ఇస్తే జగన్ కు బీఆర్ఎస్ తో సంబంధాలు ఉన్నట్లు నిర్దారణ అయిపోతుంది.
