വിജയ് ദേവരക്കൊണ്ട വീണ്ടും വാർത്തകളിൽ നിറയുന്നത് ഇങ്ങനെ! സിനിമയിലെ ഗാനം പുറത്ത് വന്നതോടെ ഏറെ ശ്രദ്ധിക്കപ്പെടുകയും ചെയ്തിരുന്നു. ചിത്രത്തിൻ്റെ പ്രൊമോഷൻ പരിപാടികൾ തകർക്കുകയാണ് ഇപ്പോൾ. മുംബൈയിൽ ഓടി നടന്നായിരുന്നു വിജയ് ദേവരക്കൊണ്ട പ്രൊമോഷൻ പരിപാടികളിൽ പങ്കെടുത്തത്. ഇപ്പോഴിതാ വിജയ് ദേവരക്കൊണ്ട പങ്കെടുക്കാനെത്തിയ ഒരു പരിപാടിയിൽ നടന്ന സംഭവമാണ് ശ്രദ്ധ ആകർഷിക്കുന്നത്. തെന്നിന്ത്യൻ യങ് സൂപ്പർ സ്റ്റാർ വിജയ് ദേവരക്കൊണ്ടയെ നായകനാക്കി പുരി ജഗന്നാഥ് സംവിധാനം ചെയ്യുന്ന ചിത്രമായ ലിഗർ തീയേറ്ററുകളിലേക്ക് എത്താനൊരുങ്ങുകയാണ്.
ആരാധകരുടെ സ്നേഹം സഹിക്കാനാവാതെ വന്നതോടെ തെലുങ്ക് യുവസൂപ്പർതാരം വിജയ് ദേവരകൊണ്ടയ്ക്ക് പ്രൊമോഷൻ പരിപാടിയിൽ പങ്കെടുക്കാനാകാതെ മടങ്ങിപ്പോകേണ്ടി വന്നു. ഇതിൻ്റെ വീഡിയോയും സോഷ്യൽ മീഡിയയിൽ വൈറലായി മാറിയിട്ടുണ്ട്. തെന്നിന്ത്യയൊട്ടാകെ നിരവധി ആരാധകരുള്ള വിജയ് ദേവരക്കൊണ്ടയ്ക്ക് ആരാധകർ ബുദ്ധിമുട്ടുണ്ടാക്കിയ വാർത്തയാണ് ഇപ്പോൾ വൈറലായി മാറുന്നത്. ഒരുപാട് ആരാധകർ കൂടിയത് മൂലം കുറച്ച് ദിവസങ്ങൾക്ക് മുൻപും ലിഗർ പ്രൊമോഷൻ പരിപാടിയിൽ ഇതിനു സമാനമായ ഒരു സംഭവം നടന്നിരുന്നു. ആ പ്രൊമോഷൻ പരിപാടിയും വിജയ് ദേവരക്കൊണ്ടയ്ക്ക് ഉപേക്ഷിക്കേണ്ടി വന്നിരുന്നു. തെലുങ്കിലെ മുൻനിര സംവിധായകരിൽ ഒരാളാണ് പുരി ജഗന്നാഥ്. മിക്സഡ് മാർഷ്യൽ ആർട്സ് പശ്ചാത്തലത്തിൽ പുരി ജഗന്നാഥ് ഒരുക്കുന്ന ചിത്രമാണ് ലൈഗർ. ചിത്രം പാൻ ഇന്ത്യൻ റീലീസ് ആയാണ് എത്തുന്നത്.
തെലുങ്കിലും ഹിന്ദിയിലുമായി ഒരുക്കിയിരിക്കുന്ന സിനിമ മറ്റു അഞ്ച് ഭാഷകളിലും മൊഴി മാറ്റി എത്തും. ബോളിവുഡ് നടി അനന്യ പാണ്ഡേയാണ് സിനിമയിൽ നായികയായി എത്തുന്നത്. പട്നയിലായിരുന്നു സംഭവം നടന്നത്. പട്നയിലെ ഒരു കോളേജിൽ എത്തിയ വിജയ് ദേവരകൊണ്ടയെ കണ്ട ആയിരക്കണക്കിന് ആരാധകരെ നിയന്ത്രിക്കാൻ സംഘാടകർ ഏറെ ബുദ്ധിമുട്ടുകയുമുണ്ടായി. ഈ അവസരത്തിൽ അനിഷ്ടസംഭവങ്ങൾ ഒഴിവാക്കുവാനായാണ് ചടങ്ങിൽ നിന്ന് വിജയ് ദേവരക്കൊണ്ട മടങ്ങിപ്പോയത്.ഈ സംഭവത്തിന്റെ ദൃശ്യങ്ങൾ ഫിലിം ട്രാക്കർ രമേഷ് ബാല ട്വീറ്റ് ചെയ്തിട്ടുണ്ട്. ലൈഗർ യഥാർത്ഥമാണ് എന്ന് കുറിച്ചുകൊണ്ടാണ് അദ്ദേഹം വീഡിയോ പങ്കിട്ടത്.
സാലാ ക്രോസ് ബ്രീഡ് എന്നാണ് ചിത്രത്തിൻ്റെ ടൈറ്റിലിൻ്റെ ടാഗ് ലൈൻ. ഒരു ചായക്കടക്കാരനിൽനിന്ന് ലാസ് വേഗാസിലെ മിക്സഡ് മാർഷ്യൽ ആർട്സ് ചാംപ്യനിലേക്ക് എത്താൻ ശ്രമിക്കുന്ന യുവാവിൻ്റെ കഥയാണ് ലൈഗർ പറയുന്നത്. രമ്യാ കൃഷ്ണൻ, റോണിത് റോയ്, വിഷു റെഡ്ഡി, ആലി, മകരന്ദ് ദേശ്പാണ്ഡെ, ഗെറ്റ് അപ് ശ്രീനു എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ലൈഗർ നിർമിക്കുന്നത് പുരി ജഗന്നാഥും നടി ചാർമി കൗറും അപൂർവ മെഹ്തയും കരൺ ജോഹറിനൊപ്പം ചേർന്നാണ് എന്ന പ്രത്യേകതയുമുണ്ട്. ഓഗസ്റ്റ് 25 നാണ് ചിത്രത്തിൻ്റെ റിലീസ്.
Find out more:
click and follow Indiaherald WhatsApp channel