సాసేజ్‌లు, బేకన్, హామ్, ప్రాసెస్ చేసిన రెడ్ మీట్ వంటివి క్యాన్సర్ ప్రమాదాన్ని గణనీయంగా పెంచుతాయి. వీటిలో నైట్రేట్‌లు మరియు నైట్రైట్‌లు వంటి రసాయనాలు ఉంటాయి, ఇవి శరీరంలోకి వెళ్ళినప్పుడు క్యాన్సర్ కారకాలుగా మారతాయి. ముఖ్యంగా కొలొరెక్టల్ క్యాన్సర్ ప్రమాదం ఈ ఆహారాలతో పెరుగుతుందని పరిశోధనలు చెబుతున్నాయి. ప్యాక్ చేసిన స్నాక్స్, తీపి పానీయాలు, ఇన్స్టంట్ నూడుల్స్, ఫాస్ట్ ఫుడ్స్ వంటివి ఈ కోవలోకి వస్తాయి. వీటిలో చక్కెర, ఉప్పు, అనారోగ్యకరమైన కొవ్వులు, కృత్రిమ రంగులు ఉంటాయి.
ఈ పదార్థాలు శరీరంలో మంటను పెంచి, ఊబకాయానికి దారితీసి, క్యాన్సర్ కణాల పెరుగుదలకు అనుకూల వాతావరణాన్ని సృష్టిస్తాయి. ప్యాంక్రియాటిక్, బ్రెస్ట్, ఓవరీ క్యాన్సర్లతో వీటికి సంబంధం ఉన్నట్లు అధ్యయనాలు చెబుతున్నాయి. అధిక ఉష్ణోగ్రత వద్ద వేయించిన ఆహారాలలో ఆక్రిలమైడ్ అనే రసాయనం ఏర్పడుతుంది. ఇది క్యాన్సర్ కారకంగా పరిగణించబడుతుంది. ఫ్రెంచ్ ఫ్రైస్, పొటాటో చిప్స్ వంటివి దీనికి ఉదాహరణ అని చెప్పవచ్చు.
సోడాలు, పండ్ల రసాలు, తీపి డెజర్ట్‌లు వంటివి రక్తంలో చక్కెర స్థాయిలను వేగంగా పెంచుతాయి. ఇది ఇన్సులిన్ నిరోధకతకు, దీర్ఘకాలిక మంటకు దారితీస్తుంది. ఊబకాయం కూడా క్యాన్సర్ ప్రమాదానికి ఒక ముఖ్య కారణం, అధిక చక్కెర వినియోగం ఊబకాయానికి దారి తీసే ఛాన్స్ ఉంటుంది. ఆల్కహాల్ వినియోగం నోటి, గొంతు, అన్నవాహిక, కాలేయం, రొమ్ము మరియు కొలొరెక్టల్ క్యాన్సర్లతో సహా అనేక రకాల క్యాన్సర్ల ప్రమాదాన్ని పెంచుతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి