మనం ఎక్కువ కోడిగుడ్లు తెచ్చుకుంటే వాటిని ఎక్కువ కాలం వాడటం కష్టం. ఎందుకంటే కొన్ని గుడ్లు ఈజీగా చెడిపోవడం ప్రారంభిస్తాయి. అయితే మీరు గుడ్లను నిల్వ చేయడం ఇంకా ఎక్కువ రోజులు తాజాగా ఉంచడానికి కొన్ని మార్గాలు ఉన్నాయి. గుడ్లు ఎక్కువ రోజులు పాడవకుండా ఎలా నిల్వ చేయాలో ఇప్పుడు తెలుసుకుందాం.మీరు ముందుగా తెలుసుకోవాల్సింది ఏంటంటే.. తాజా గుడ్లు నీటిలో ఉంచిన వెంటనే అవి మునిగిపోతాయి. కాని చెడు గుడ్లు ఈజీగా నీటిలో తేలుతాయి. కాబట్టి గుడ్డు తినదగినదా కాదా అని ముందే మీరు చెక్‌ చేసుకోవచ్చు. అలాగే ఒక గిన్నెలో మంచి చల్లని నీరు తీసుకుని అందులో గుడ్డు ఉంచండి. మీరు ఇక దానిని కాస్త అటు ఇటుగా కదిలించి కూడా చూడొచ్చు. అది శబ్దం చేస్తే ఖచ్చితంగా పాడైందని అర్థం.గుడ్లను నిల్వ చేయడానికి సులభమైన, ఉత్తమమైన మార్గం ఏంటంటే వాటిని ఫ్రిజ్ మధ్య రాక్‌లో నిల్వ చేయడం. ఎందుకంటే ఇక్కడ ఉష్ణోగ్రత అనేది ఎప్పుడూ ఒకేలా ఉంటుంది. ఇక గుడ్డును డోర్‌ సైడ్‌లో పెడితే చెడిపోయే ప్రమాదం ఎక్కువ.


మీరు గుడ్లను ఫ్రిజ్‌లో ఉంచకూడదనుకుంటే, వాటిని జ్యూట్ బ్యాగ్ లేదా మట్టి కుండలో స్టోర్ చేయవచ్చు. గుడ్లను డబ్బాలతో పాటు జ్యూట్ బ్యాగ్‌లో ఉంచడం వల్ల చాలా రోజులు తాజాగా ఉంచవచ్చు. ఇంకా అంతే కాదు ఎండు గడ్డి మధ్యలో కూడా పెట్టుకోవచ్చు. కోడిగుడ్డును ఎక్కువ కాలం తాజాగా ఉంచాలంటే దానిపై మినరల్ ఆయిల్ రాసి, ఎండలో కాసేపు ఉంచడం కూడా ఒక పద్ధతి. తర్వాత దాన్ని మళ్లీ డబ్బాల్లో ప్యాక్ చేసి కిచెన్ రాక్‌లో భద్రపరుచుకోండి. ఇక ఇలా చేయడం వల్ల గుడ్లు ఒక నెల వరకు తాజాగా ఉంటాయి.అయితే, ఇక్కడ ఆరోగ్య నిపుణుల అభిప్రాయం ప్రకారం.. సుమారు నెల రోజుల పాటు ఫ్రిజ్‌లో గుడ్లను నిల్వ ఉంచవచ్చు. అదే బయటైతే మాత్రం ఒక వారం పాటు అవి ఉండవచ్చు. అంతకుమించి నిల్వ ఉంచితే మాత్రం గుడ్లు త్వరగా చెడిపోతాయని అంటున్నారు. అందుకే మార్కెట్ నుంచి పెద్ద మొత్తంలో కొని తెచ్చుకున్న గుడ్లను చాలా జాగ్రత్తగా నిల్వచేసుకోవాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Health

Purushottham Vinay

26/10/2023 09:37 PM