ఇటీవల కాలంలో చాలామంది డోర్ డెలివరీ కోసం ఎదురుచూస్తున్న నేపథ్యంలో మీరు మీ చుట్టుపక్కల ఉండే ఇళ్లకు డోర్ డెలివరీ చేసి కూడా డబ్బు సంపాదించవచ్చు. ఉదాహరణకు మీ ఇంట్లో ఎవరికైనా పిండి వంటలు తయారు చేయడం వచ్చి మీకు సహకరించడానికి వారు ఆసక్తిగా ఉంటే ఈ వ్యాపారం నిర్వహించడం చాలా సులభం అవుతుంది. లేదంటే పిండి వంటలు చేసే వారిని కూడా మీరు నియమించుకోవచ్చు. వారికి ప్రతి నెల జీతం ఇవ్వచ్చు లేదా వాటా ఇచ్చేలా ఒప్పందం చేసుకోవచ్చు.
అయితే పెద్ద తరహాలో బిజినెస్ మొదలు పెట్టాలి అనుకుంటే మాత్రం మీరు ప్రభుత్వం తరఫున అనుమతులు తీసుకోవాల్సి ఉంటుంది. వీటిలో ఫుడ్ లైసెన్స్ రిజిస్ట్రేషన్తో పాటు జీఎస్టీ రిజిస్ట్రేషన్ మొదలైనవి తప్పనిసరిగా ఉండాలి. ఈ వ్యాపారం ప్రారంభించడానికి ముందుగా మీకు అన్ని రకాల పిండి ,నూనె , శనగపిండి, ఉప్పు, మసాలాలు, వేరుశనగలు , పప్పులు మీకు అవసరం అవుతాయి. రకరకాల రుచికరమైన వంటలను తయారు చేసి మంచి లాభం పొందవచ్చు.
