మోహన్ రాజా తమిళంలో చాలా సినిమాలను డైరెక్ట్ చేశారు. ఆయన గురించి తెలియని వాళ్లు మోహన్ రాజాకు తెలుగులో ఇదే తొలి సినిమా అనుకుంటారు. అయితే ఆయన తెలుగులో ఇప్పటికే ఓ సినిమా తీశారని తెలుసా..? అవును.. మోహన్ రాజా తెలుగులో సరిగ్గా 19 ఏళ్ల క్రితం ఓ సినిమా చేశారు. అది అప్పట్లో బంపర్ హిట్ అయింది. హనుమాన్ జంక్షన్.. అర్జున్, జగపతి బాబు, వేణు హీరోలుగా 2001లో మోహన్ రాజా తెరకెక్కించిన ఈ చిత్రం అప్పట్లో సూపర్ హిట్ అయింది. వేణు, ఎల్బీ శ్రీరాం మొదలైన వాళ్ల కామెడీకి ప్రేక్షకులను ఎంతగానో నవ్వించింది.
ఆ చిత్రం తరువాత మళ్లీ ఇన్నేళ్లకు మోహన్ రాజా తెలుగులో మెగాఫోన్ పట్టుకోనున్నారు. అది కూడా మెగాస్టార్ కోసం. తెలుగులోకి రీ ఎంట్రీ ఇవ్వడంపై ఆయన సోషల్ మీడియాలో ఓ పోస్ట్ పెట్టారు. ‘21-12-2001లో నా తొలి తెలుగు చిత్రం హనుమాన్ జంక్షన్తో తెలుగు ప్రేక్షకుల ముందుకు వచ్చాను. ఆ సినిమా విడుదలైనప్పుడు థియేటర్లలో విన్న నవ్వులను నేను ఇప్పటికీ మరిచిపోలేన’ని మోహన్ రాజా తన పోస్ట్లో పేర్కొన్నాడు. ఈ పోస్ట్కు తన సినిమాలకు చెందిన కొన్ని ఫోటోలను జత చేశాడు.
మోహన్ రాజా తమిళంలో చాలా సినిమాలను డైరెక్ట్ చేశారు. ఆయన గురించి తెలియని వాళ్లు మోహన్ రాజాకు తెలుగులో ఇదే తొలి సినిమా అనుకుంటారు. అయితే ఆయన తెలుగులో ఇప్పటికే ఓ సినిమా తీశారని తెలుసా..? అవును.. మోహన్ రాజా తెలుగులో సరిగ్గా 19 ఏళ్ల క్రితం ఓ సినిమా చేశారు.