ఇక అక్కడి నుండి వరుసగా సినిమాలు చేస్తూ కొనసాగిన సుమంత్, ఒకానొక సందర్భంలో తన మామయ్య అక్కినేని నాగార్జున తో కలిసి స్నేహమంటే ఇదేరా మూవీ కూడా చేసారు. అయితే ఆ సినిమా మాత్రం పెద్దగా సక్సెస్ కాలేదు. ఇక ఇటీవల ఇదం జగత్, కపటధారి సినిమాల ద్వారా ప్రేక్షకుల ముందుకు వచ్చి మంచి పేరు దక్కించుకున్న సుమంత్, కొద్దిరోజుల క్రితం ఒక మీడియా ఛానల్ కి ఇచ్చిన ఇంటర్వ్యూ లో భాగంగా తన కెరీర్ లో మిస్ అయిన పలు సక్సెస్ఫుల్ సినిమాల గురించి చెప్పుకొచ్చారు. తరుణ్ హీరోగా విజయభాస్కర్ దర్శకత్వంలో తెరకెక్కిన నువ్వే కావాలి మూవీ తనదే అని, అయితే అప్పట్లో కొన్ని అనుకోని కారణాల వలన ఆ మూవీ చేయలేకపోయాను అని అన్నారు సుమంత్.
అలానే స్టైలిష్ స్టార్ అల్లు అర్జున్ హీరోగా పూరి జగన్నాథ్ తీసిన సూపర్ హిట్ మూవీ దేశముదురు కూడా తనదే అని, అయితే ఎందుకో ఆ సినిమాలోని పాత్ర తనకు సెట్ కాదని భావించి ఆ మూవీ ని తాను వదులుకున్నానని సుమంత్ అన్నారు. అయితే అసలు మ్యాటర్ ఏమిటంటే, నేడు ఒక సోషల్ మీడియా మాధ్యమంలో సుమంత్ వదులుకున్న సినిమాలు ఇవే అంటూ ఒక మీడియా మాధ్యమం వారు పోస్ట్ చేసిన లిస్ట్ ని చూసిన సుమంత్, బాబు మీరు పోస్ట్ చేసిన లిస్ట్ లో నేను వదులుకున్న సినిమాలు కేవలం రెండే మిగతావన్నీ మీరు సృష్టించినవి అంటూ ఒకింత సరదాగా రిప్లై ఇవ్వడం జరిగింది. కాగా ప్రస్తుతం ఈ న్యూస్ పలు సోషల్ మీడియా మాధ్యమాల్లో ఎంతో వైరల్ అవుతోంది .....!!