అయితే నిఖిల్ ప్రస్తుతం వరుస సినిమాలు చేస్తున్నాడు. వాటిలో నిఖిల్ ఎంతో ఆసక్తిగా చేస్తున్న సినిమా ‘కార్తికేయ2’. ఈ సినిమాతో భారీ గుర్తింపు అందుకోవాలని నిఖిల్ ప్లాన్ చేస్తున్నాడు. వీటిలో కార్తికేయ 2 సినిమాను నిఖిల్ తన డ్రీమ్ ప్రాజెక్ట్‌లా చేస్తున్న విషయం తెలిసిందే. ఈ సినిమా కోసం నిఖిల్ కసరత్తులు కూడా చేశాడు. అయితే నేడు అతడి పుట్టిన రోజు సందర్భంగా చిత్ర యూనిట్ అభిమానులకు ఓ ట్రీట్ ఇచ్చింది. అందరూ ఎంతో ఆసక్తిగా ఎదురుచూస్తున్న కార్తికేయ2 నుంచి ఫస్ట్ లుక్‌ను విడుదల చేసింది. ఈ సినిమాలో నిఖిల్ ఓ సేవియర్ పాత్రలో నటిస్తున్నాడని ఈ పోస్టర్‌ ద్వారా అర్థం అవుతుంది. అయితే ప్రస్తుతం కరోనా సెకండ్ వేవ్ కారణంగా ఈ సినిమా చిత్రీకరణ నిలిచిపోయింది. త్వరలోనే ఈ సినిమా షూటింగ్ తిరిగి ప్రారంభం అవుతుందని మేకర్స్ తెలిపారు.
ఇదిలా ఉంటే ఈ సినిమాకు నిఖిల్ హీరోగా చందు మొండేటి దర్శకత్వం వహిస్తున్నాడు. ఈ పోస్టర్‌లో నిఖిల్ దేనిగురించో తీవ్రంగా ఆలోచిస్తున్నట్లు కనిపిస్తున్నాడు. దీనిని బట్టి చూస్తుంటే సినిమాలో సస్పెన్స్‌కు కొదవ ఉండదని అనిపిస్తోంది. మరి ప్రేక్షకులు ఆశించిన స్థాయిలో ఈ సినిమా ఆకట్టుకుంటుందా లేదా అనేది చూడాలి. అయితే నిఖిల్ ఈ సినిమాతో పాటు పల్నాటి సూర్య ప్రతాప్ దర్శకత్వంలో '18 పేజెస్' సినిమాలో నటిస్తున్నాడు. రొమాంటిక్ ఎంటర్‌టైనర్‌గా రూపొందుతున్న ఈ సినిమాలో అనుపమ పరమేశ్వరన్ నిఖిల్ సరసన నటిస్తోంది. ఈ రెండిటితో పాటు మరో థ్రిల్లర్ సినిమాలో కూడా నిఖిల్ నటిస్తున్నట్టు తెలుస్తోంది.
