కుంద్రాపై ఫిబ్రవరిలో నమోదైన కేసు ఆధారంగానే ఈ అరెస్ట్ జరిగినట్టు తెలుస్తోంది. అప్పటి నుంచి గత రాత్రి జరిగిన నాటకీయ పరిణామాల వరకు ఈ 46 ఏళ్ల బ్రిటిష్-భారతీయ వ్యాపారవేత్త క్రైమ్ బ్రాంచ్ సిఐడి స్కానర్ కింద ఉన్నారు. ఇక గత ఏడాది కాలంగా మాదకద్రవ్యాల కేసుతో సతమతమవుతున్న బాలీవుడ్ వర్గాలను కుంద్రా ఆకస్మిక అరెస్టు ఆశ్చర్యపరిచింది. ఈ కేసులో కొన్ని ఇంక్రిమినేటింగ్ మెటీరియల్స్ ను స్వాధీనం చేసుకున్నట్టు అధికారిక వర్గాలు వెల్లడిస్తున్నాయి. పోర్న్ రాకెట్లో బయటకు వచ్చిన కొంతమందిపై విచారణ కొనసాగిస్తున్నారు.
అయితే ఇంత జరుగుతున్నా కుంద్రా భార్య శిల్పా శెట్టి ఎక్కడ ? అని అందరూ ఆలోచిస్తున్నారు. దాదాపు ఒక రాత్రి అంతా కుంద్రా పోలీసుల అదుపులో ఉన్నారు. అయితే శిల్పాశెట్టి ప్రస్తుతం తన సోదరి, తల్లితో కలిసి ముంబై, జుహూలో ఉన్న తమ బంగ్లాలో ఉన్నారని తెలిసింది. డాన్స్ రియాలిటీ షో 'సూపర్ డాన్సర్ 4'లో ప్రస్తుతం జడ్జిగా చేస్తున్న శిల్పా శెట్టి ఆమె భర్తను అరెస్టు చేసిన తరువాత ముంబైలో జరిగిన షో షూటింగ్ కు హాజరు కాలేదు. పోర్నోగ్రఫీ కేసులో ఈ వ్యాపారవేత్త జూలై 23 వరకు పోలీసు కస్టడీలో ఉండాలని కోర్టు వెల్లడించింది.