నీరజ అసిస్టెంట్ స్టైలిస్ట్ గా ఎన్టీఆర్ నటించిన "బాద్ షా" చిత్రంతో కెరీర్ ప్రారంభించింది. ఆ తర్వాత నితిన్ "గుండెజారి గల్లంతయ్యిందే" చిత్రంతో స్టైలిస్ట్ గా మారింది. అనంతరం వరుసగా నితిన్ సినిమాలు "కొరియర్ బాయ్ కళ్యాణ్, హార్ట్ ఎటాక్" చిత్రాలకు స్టైలిస్ట్ గా పని చేసింది. తరువాత నీరజ అక్కినేని కోడలు సమంతను కలుసుకుని ఆమె పర్సనల్ స్టైలిస్ట్ గా సెటిల్ అయింది. నీరజ "అత్తారింటికి దారేది, రామయ్య వస్తావయ్య" వంటి సమంత చిత్రాలకు స్టైలిస్ట్ గానే కాకుండా కాస్ట్యూమ్ డిజైనర్ గానూ పని చేసింది. టాలీవుడ్ టాప్ డైరెక్టర్స్ త్రివిక్రమ్ శ్రీనివాస్, వంశీ పైడిపల్లి, వివి వినాయక్ వంటి దర్శకులు తోనూ కలిసి పని చేసింది. అంటే నీరజ కోన మంచి పొలిటికల్, సినిమా బ్యాక్గ్రౌండ్ తోనే ఇండస్ట్రీలోకి అడుగు పెట్టింది అన్నమాట. కానీ ఈ ఆసక్తికర విషయాలు చాలా మందికి తెలియదు.
