ఇక ఈ సినిమాను చూసిన వారు సోషల్ మీడియాలో తమ అభిప్రాయాలను వ్యక్తం చేస్తున్నారు. సినిమా మొత్తం రొటీన్ రోతకొట్టుడు అని పెదవి విరుస్తున్నారు. మద్యానికి బానిసై తండ్రి వారసత్వంగా ఇచ్చిన కళ్యాణమండపాన్ని సక్సెస్ ఫుల్ గా నడపలేకపోయిన వ్యక్తి ధర్మ (సాయి కుమార్). అది పూర్తిగా పడిపోయే ప్రమాదం ఉండడంతో దాన్ని గౌరవంగా భావించిన ధర్మ కొడుకు కళ్యాణ్ (కిరణ్ అబ్బవరం) కళ్యాణమండపాన్ని నిలబెట్టే బాధ్యతను భుజానికెత్తుకుంటాడు. ఈ క్రమంలోనే హీరో హీరోయిన్ తో ప్రేమలో పడతాడు. ఆమె ఎవరో కాదు విలన్ కూతురు. సినిమాకు సిద్ శ్రీరామ్ పాడిన అద్భుతమైన పాటలు సహాయం చేయలేకపోయాయని అంటున్నారు. అంతేకాదు సినిమా మొత్తాన్ని ట్రైలర్ లోనే చూపించారని విమర్శిస్తున్నారు. ట్రైలర్ తో ఆడియన్స్ ను మోసం చేశారని వాపోతున్నారు. మరోవైపు చాలా సెంటర్లలో నూన్ షోకు, కొన్ని సెంటర్లలో మ్యాట్నీ షోలకు హౌస్ ఫుల్ అయ్యాయని అంటున్నారు. సినిమా హిట్ అవుతుందా లేదా అనేది తెలియాలంటే మరో రెండ్రోజులు వెయిట్ చేయక తప్పదు. ఎందుకంటే వారాంతం కాబట్టి ప్రేక్షకులతో పాటు వసూళ్లు కూడా పెరిగే అవకాశం ఉంటుంది.
