ఇక ఈ సినిమాకి కీరవాణి సంగీతాన్ని అందిస్తుండగా డివివి దానయ్య దీనిని ఎంతో భారీ వ్యయంతో నిర్మిస్తున్నారు. ఎన్టీఆర్ కొమురం భీం గా కనిపించనున్న ఈ సినిమాలో రామ్ చరణ అల్లూరి సీతారామరాజు పాత్ర చేస్తున్నారు. కేకే సెంథిల్ కుమార్ ఛాయాగ్రాహకుడిగా, సాయి మాధవ్ బుర్రా డైలాగ్ రైటర్ గా పనిచేస్తున్న ఈ సినిమాలో సముద్రఖని, శ్రియ శరణ్, రాహుల్ రామకృష్ణ, అజయ్ దేవగన్ తదితరులు ఇతర పాత్రలు చేస్తున్నారు. ఇక ఇటీవల ఈ సినిమా నుండి విడుదలైన ఫస్ట్ లుక్ మోషన్ పోస్టర్, ఇద్దరు హీరోల టీజర్స్ అలానే కొద్దిరోజుల క్రితం విడుదలైన దోస్తీ సాంగ్ అన్ని కూడా ప్రేక్షకాభిమానులను ఎంతో ఆకట్టుకుని సినిమాపై తారా స్థాయిలో అంచనాలు క్రియేట్ చేసాయి.
అసలు విషయం ఏమిటంటే ఎన్టీఆర్, రామ్ చరణ్ ఇద్దరూ కూడా సరదాగా దోస్త్ సాంగ్ పాడుకుంటూ కార్లో ఎంజాయ్ చేస్తున్న వీడియోని కొద్దిసేపటి క్రితం ఆర్ఆర్ఆర్ యూనిట్ విడుదల చేసింది. అంతే కాదు, మీరు కూడా మీ స్నేహితులతో ఈ సాంగ్ ని హ్యాపీ గా హమ్ చేసుకునే వీడియోలను పోస్ట్ చేయమంటూ ఆర్ఆర్ఆర్ టీమ్ కోరింది. మొత్తంగా ఇటీవల తమ సినిమా ప్రమోషన్స్ ని మంచి కిక్ ఇచ్చే రేంజ్ లో ప్రారంభించిన ఆర్ఆర్ఆర్ యూనిట్, రాబోయే రోజుల్లో ప్రేక్షకాభిమానులను మరిన్ని అప్ డేట్స్ అందిస్తాం అని, అలానే సినిమాని అక్టోబర్ 13న విడుదల చేస్తాం అని అంటోంది ....!!
