సాధారణంగా సంక్రాంతికి విడుదల అయ్యే భారీ సినిమాలను ఒకొక్క ప్రముఖ నిర్మాణ సంస్థ నిర్మిస్తూ ఉంటుంది. అయితే ఈసారి సంక్రాంతి రేసుకు రాబోతున్న ‘వాల్టేర్ వీరయ్య’ ‘వీర సింహారెడ్డి’ సినిమాలు రెండిటిని మైత్రీ మూవీస్ సంస్థ నిర్మించడమే కాకుండా తమ సినిమా పై తాము నిర్మించిన మరో భారీ సినిమాను పోటీగా విడుదల చేస్తూ ఇండస్ట్రీలో ఒక సరికొత్త రికార్డును క్రియేట్ చేస్తున్నారు.
ఇప్పుడు ఈ సాహసమే మైత్రీ మూవీస్ కు తలనొప్పులు తెచ్చిపెట్టే ఆస్కారం ఉంది అంటూ కామెంట్స్ వస్తున్నాయి. దీనికికారణం బాలకృష్ణ ‘వీర సింహారెడ్డి’ మూవీకి సంబంధించిన మొదటి పాట విడుదల అవుతుంది అంటూ మైత్రీమూవీస్ సోషల్ మీడియాలో ప్రకటించిన కొద్ది సేపటికే మెగా అభిమానులు ‘వాల్టేర్ వీరయ్య’ మొదటి పాట విడుదల ఎప్పుడు అంటూ మెగా అభిమానుల ఒత్తిడి మైత్రీ మూవీస్ పై పెరిగి పోతున్నట్లు వార్తలు వస్తున్నాయి.
కేవలం ఒక పాట గురించి ఇలా నందమూరి మెగా అభిమానుల మధ్య చిన్నవార్ మొదలయితే ఇక రానున్న రోజులలో ఈ రెండు సినిమాలకు సంబంధించిన ప్రమోషన్ లో ఏఒక్క సినిమాకు చిన్న తేడా కనిపించినా అది నందమూరి మెగా ఫ్యాన్స్ వార్ గా మారే అవకాశం ఉంది అంటున్నారు. సాధారణంగా సంక్రాంతి రేస్ లో చిరంజీవి బాలయ్యల మధ్య పోటీ అంటే వార్ ఒక రేంజ్ లో ఉంటుంది. మరి ఇలాంటి వార్ ను మైత్రీ మూవీస్ ఎలా తట్టుకుంటుందో చూడాలి అంటు కొందరు కామెంట్స్ చేస్తున్నారు..
