ఈ క్రమంలోనే తాజాగా కోలీవుడ్ స్టార్ హీరో విజయ్ దళపతి నటించిన తాజా చిత్రం వారిసు.. తెలుగులో వారసుడు పేరుతో ఈ చిత్రాన్ని విడుదల చేయబోతుండగా ఈ చిత్రానికి నిర్మాతగా దిల్ రాజు వ్యవహరిస్తున్నారు. అయితే ప్రస్తుతం తెలుగులో డబ్బింగ్ చిత్రాలను సంక్రాంతి భరి నుంచి తప్పిస్తున్న విషయం తెలిసిందే. ఈ క్రమంలోనే విజయ్ నటిస్తున్న చిత్రాన్ని కూడా సంక్రాంతి రేసు నుంచి తప్పించనున్నట్లు వార్తలు వినిపిస్తున్నాయి. ఇక ఈ క్రమంలోనే ఈ సినిమాను సంక్రాంతి భరి నుంచి తప్పించాలా? లేకపోతే దింపాల అనే విషయంపై..ఈ రోజు చెన్నైలో విజయ్ మరియు దిల్ రాజు సమావేశమైన తర్వాత నిర్ణయం తీసుకోబోతున్నారు.
ఇప్పటికే తెలుగులో సంక్రాంతి భరిలో చిరంజీవి భోళాశంకర్ , బాలకృష్ణ వీరసింహారెడ్డి చిత్రాలతో పాటు మరికొన్ని చిన్న చిత్రాలు పోటీపడుతున్న నేపథ్యంలో విజయ్ సినిమాను అడ్డుకునే ప్రయత్నం చేస్తున్నారు తెలుగు నిర్మాతలు. మరి ఈ విషయంపై నిర్మాతల మండలి ఎలాంటి నిర్ణయం తీసుకుంటుందో? విజయ్ సినిమా సంక్రాంతి భరి నుంచి తప్పుకున్నట్లేనా? అంటూ కూడా అనుమానాలు వ్యక్తం అవుతున్నాయి. మరి పూర్తి సమాచారం తెలియాలి అంటే ఈరోజు సాయంత్రం వరకు ఎదురు చూడాల్సిందే.