భారీ అంచనాలతో జనం ఎదురుచూస్తున్న ‘పుష్ప 2’ ఎట్టకేలకు ప్రారంభం అయింది. ఈమూవీ స్క్రిప్ట్ పూర్తి చేయడానికి సుకుమార్ ఒక సంవత్సరకాలం ఆలోచించాడు అంటే ఈమూవీ కథను ఎంత పక్కాగా తయారు చేసారో అర్థం అవుతుంది. ఈమధ్యనే విశాఖపట్నంలో ఈమూవీకి సంబంధించిన ఒక షెడ్యూల్ పూర్తి చేసారు. షూటింగ్ స్పాట్ నుండి ఈమూవీ షెడ్యూల్ కు సంబంధించిన ఫోటోలు బయటకు రాకుండా సుకుమార్ కట్టుదిట్టమైన రక్షణ వలయాన్ని ఏర్పాటు చేయడంతో ఈ షూటింగ్ స్పాట్ నుండి పెద్దగా ఫోటోలు బయటకు రాలేదు.


ప్రస్తుతం హైదరాబాద్ లో ఈమూవీ షూటింగ్ లో హైదరాబాద్ లో జరుగుతోంది. ఈపరిస్థితుల మధ్య ఈమూవీకి సంబంధించిన ఒక ఆసక్తికరమైన న్యూస్ ఇప్పుడు బయటకు వచ్చింది. ‘పుష్ప 2’ కథ ప్రకారం అల్లు అర్జున్ పాత్ర అంతర్జాతీయ గంధపు చక్కల స్మగ్లర్ గా ఎదిగిపోయి జపాన్ దేశంలో స్థిరపడతాడు అని తెలుస్తోంది. అక్కడ తన వ్యాపార సామ్రాజ్యాన్ని విస్తరించుకోవడానికి బన్నీ జపనీ భాషను నేర్చుకుని అక్కడి వారితో మాట్లాడుతూ ఉంటాడట.  


పుష్ప రాజ్ పాత్రలో బన్నీ చిత్తూర్ భాషలో మాట్లాడి నవ్వు తెప్పించినట్లుగా ‘పుష్ప 2’ లో బన్నీ చిత్తూరు యాసతో కూడిన జపానీ భాష మాట్లాడుతాడట. దీనికోసం బన్నీ ఒక ప్రత్యేకమైన ట్యూటర్ ను పెట్టుకుని జపాన్ భాష మాట్లాడే విషయంలో శిక్షణ తీసుకుంటున్నాడట. ఇది ఇలా ఉండగా ఈమూవీకి సంబంధించి మరొక షాకింగ్ న్యూస్ ఇప్పుడు మీడియా వర్గాహడావిడి చేస్తోంది.


‘పుష్ప 2’ విషయంలో కూడ ఒక ఐటమ్ సాంగ్ ను క్రియేట్ చేసి ఆ సాంగ్ లో కూడా సమంతతో నటించేడట్లు చేయాలని ఆలోచనలు చేస్తున్న సుకుమార్ ఆలోచనలకు సమంత వైపు నుండి సరైన స్పందన రావడంలేదు అన్న వార్తలు కూడ వస్తున్నాయి. దీనితో సమంత స్థాయిలో క్రేజ్ ఉన్న హీరోయిన్ తో ఈ ఐటమ్ సాంగ్ ను ఎవరితో చేయిస్తే బాగుంటుంది అన్న ఆలోచనలు కూడ సుకుమార్ కు ఉన్నాయి అంటూ వార్తలు వినిపిస్తున్నాయి..

మరింత సమాచారం తెలుసుకోండి:

Seetha Sailaja

15/02/2023 10:00 AM