ఇక కలెక్షన్స్ సంగతి కాసేపు పక్కన పెడితే దసరా సినిమా గురించి కొన్ని విషయాలను తెలుసుకునేందుకు మాత్రం ప్రేక్షకులు ఉత్సాహంగా ఉన్నారు. ఈ సినిమాలో ప్రతి ఒక్కరికి ఆసక్తి కలిగించిన విషయం ఏంటి అంటే సిల్క్ స్మిత బార్. బార్ కి ఆమె పేరు ఎందుకు పెట్టారు అనేది ఎవ్వరికీ అర్థం కాలేదు. అయితే దీనికి సమాధానంగా ఇటీవల ఇంటర్వ్యూలో సినిమా యూనిట్ కి చెందిన ఒక వ్యక్తి సమాధానం చెప్పారు. చిన్నతనం నుంచి దర్శకుడు శ్రీకాంత్ ఓదెల తాత గారికి ప్రతి రోజు బారుకు వెళ్లి మందు తాగే అలవాటు ఉండేదట.
అక్కడ తన తాత తో పటు దర్శకుడు శ్రీకాంత్ కూడా ప్రతి రోజు వెళ్లి ఆ బార్ లో ఉన్న సిల్క్ స్మిత ఫోటో చూసి ఆశ్చర్యపోయే వాడట. ఆమె ఎవరో కూడా అతనికి తెలియక పోయినప్పటికీ సిల్క్ స్మిత రూపం దర్శకుడు శ్రీకాంత్ కి బాగా నచ్చి ఎంతో ఆకర్షణకు గురయ్యాడట. ఇక తన సినిమాలో సింగరేణిలో ఉన్న ఒక బార్ కి కచ్చితంగా సిల్క్ స్మిత పేరు పెట్టాలని ఆ రోజే నిర్ణయించుకున్నాడట. అందుకే మన తెలుగు ఇండస్ట్రీలో ఎంత మంది పెద్ద నటీమణులు ఉండగా సిల్క్ స్మిత అనే పేరు నే తన బార్ కి పెట్టుకున్నాడు శ్రీకాంత్ ఓదెల.